“Sugad nga kataposan nga kaaway, an kamatayon wawad-on.”​—1 Corinto 15:26

Ano an tinuod nga pagliaw nga iginhahatag ha aton han Biblia kon namamatayan kita?

• 2 Corinto 1:3, 4

  Kon namamatayan kita hin kapamilya o duok nga sangkay, bangin umabat kita nga waray makakabulig ha aton. An Biblia naghahatag hin tinuod nga pagliaw.

• Isaias 25:8; 26:19

  May gahum hi Jehova nga wad-on an kamatayon ha kadayonan. Babanhawon pa ngani niya an mga patay.

“Daragita, nasiring ako ha imo, ‘Buhat!’ ”​—Marcos 5:41

Kay ano nga makakasarig kita nga mahitatabo gud an pagkabanhaw?

• Juan 11:1-44

  Ginbanhaw ni Jesus hi Lasaro.

• Marcos 5:22-24, 35-42

  Ginbanhaw ni Jesus an usa nga daragita.

• Juan 11:41, 42

  Nagbanhaw hi Jesus hin mga patay pinaagi han gahum tikang kan Jehova.

• Juan 12:9-11

  Damu nga testigo an nakakita nga nagbanhaw hi Jesus hin mga patay. Bisan an iya mga kaaway maaram nga kaya niya ito buhaton.

‘Ikaw matawag, ngan ako mabaton ha imo: Ikaw mamamay-ada kahidlaw han buhat han imo mga kamot.’​—Job 14:13-15

Hin-o an babanhawon?

• Juan 5:28, 29

  An ngatanan nga aada ha memorya ni Jehova mababanhaw.

• Buhat 24:15

  An mga matadong ngan mga diri matadong babanhawon.

• Isaias 40:26

  Nahinunumdoman ni Jehova an ngaran han tagsa nga bitoon, salit masayon la liwat ha iya nga hinumdoman an ngatanan nga detalye mahitungod han iya mga babanhawon.

“Tikadto ako ha pag-andam hin lugar para ha iyo.”​—Juan 14:2

Hin-o an mga babanhawon ngadto ha langit?

• 1 Pedro 3:18

  Hi Jesus an siyahan nga ginbanhaw ngadto ha langit.

• Lucas 12:32

  Nagsiring hi Jesus nga pipira la han iya mga disipulo an babanhawon basi magkinabuhi ha langit.

• Pahayag 14:1

  Hi Jehova nagpili hin 144,000 nga tawo basi magkinabuhi ha langit.