“Kumanhi unta an imo Ginhadian. Matuman an imo kaburut-on dinhi ha tuna sugad han ha langit.”​—Mateo 6:9-13

Ano an Ginhadian han Dios?

• Pahayag 11:15

  Pagmamandoan han Ginhadian, o gobyerno, han Dios an tuna tikang ha langit.

• 1 Timoteo 6:15

  Hi Jesus an Hadi han Ginhadian han Dios.

• Pahayag 14:1, 4

  144,000 nga tawo an magmamando kaupod ni Jesus ha langit.

• Hebreo 4:15; 5:8

  Nasasabtan ni Jesus ngan han 144,000 an aton inaabat ngan an mga problema nga aton gin-aatubang.

“Pinaagi ha katadungan hiya maghuhukom han mga kablas.”​—Isaias 11:4

Kay ano nga hi Jesus an pinakamaopay nga ginpili para magin Hadi ha Ginhadian?

• 1 Timoteo 6:16

  Ngatanan nga tawo nga magmarando namamatay, pero hi Jesus diri gud mamamatay. An ngatanan nga maopay nga bubuhaton ni Jesus para ha aton magpapadayon ha waray kataposan.

• Isaias 11:2-4

  Labaw gud nga kaopayan an mahihimo ni Jesus kay ha bisan hin-o nga magmarando nga tawo. Bisan pag-urusahon an gahum han ngatanan nga magmarando nga tawo, mas gamhanan la gihap hi Jesus. Matadong an iya paghukom ngan mapinairon hiya.

‘An Dios ha langit magpapabangon hin usa nga ginhadian, nga diri gud magugunaw.’​—Daniel 2:44

Ano na an nahimo han Ginhadian? Ano an hihimoon hito ha tidaraon?

• Pahayag 12:7-12

  Han nagin Hadi hi Jesus han 1914, iginlabog niya hi Satanas tikang ha langit nganhi ha tuna. Ito an hinungdan nga damu hinduro an kasamok, kasakit, ngan pag-antos ha bug-os nga tuna.

• Eklesiastes 8:9; Pahayag 16:16

  Ha Armagedon, bubungkagon han Ginhadian han Dios an ngatanan nga madarahog ngan korap nga mga gobyerno han tawo.

• Salmos 37:10

  Pupoohon an ngatanan nga tawo nga nagbubuhat hin maraot.

• Pahayag 22:1-3

  Kon magmando na an Ginhadian han Dios dinhi ha tuna, waray na magkakasakit o mamamatay ngan ngatanan nga tawo magpapasidungog na ha ngaran han Dios.