‘Nag-aasoy [ako] han kataposan tikang ha tinikangan, ngan tikang ha kadaan nga mga panahon han mga butang nga diri pa nabubuhat.’​—Isaias 46:10

Ano an aton hinbabaroan mahitungod ha panahon han kataposan?

• Daniel 7:13, 14

  Hi Jesus nagtikang magin Hadi ha langit han 1914.

• Mateo 24:3-14

  Igintagna ni Jesus nga magigin makuri an kahimtang han mga tawo.

• Pahayag 12:7-9, 12

  Waray pag-iha tikang han magin Hadi hi Jesus, ginpaiwas niya hi Satanas ha langit ngan iginlabog nganhi ha tuna. Nasisina gud hi Satanas kay “halipot na la an iya panahon” antes hiya bungkagon han Dios.

“Ano an magigin tigaman . . . han ikatarapos hini nga sistema?”​—Mateo 24:3

Nakikita mo ba an katumanan han mga tagna ha Biblia?

• Mateo 24:7; Lucas 21:11

  Mas duro na gud yana an aton naieksperyensyahan nga mga girra, gutom, linog, ngan sakit.

• 2 Timoteo 3:1-5

  Iginhulagway ni apostol Pablo an magigin panggawi han mga tawo ha kataposan nga mga adlaw.

• Daniel 12:4

  Tungod ha bulig han Dios, an iya katawohan may mas matin-aw na gud yana nga pagsabot ha Biblia.

• Mateo 24:14

  An maopay nga sumat han Ginhadian han Dios iginsasangyaw ha bug-os nga kalibotan.

“An adlaw ni Jehova sigurado nga maabot sugad hin kawatan ha gab-i.”​—1 Tesalonica 5:2

Tungod kay hirani na gud an kataposan, ano an kinahanglan mo buhaton?

• Juan 17:3

  Seryosoha an imo pag-aram ha Biblia.

• Hebreo 10:24, 25

  Kuha hin dugang nga kahibaro pinaagi ha pagtambong ha mga katirok han mga Saksi ni Jehova.

• Santiago 4:8

  Paghimo hin ginkikinahanglan nga mga pagbag-o ha imo kinabuhi basi magin duok ka ha Dios.

• Lucas 21:34-36

  Likyi an mga ulang, ngan magkinabuhi nga nakapokus ha pagsingba kan Jehova.