Garantiya: Sumala ha usa nga reperensya, an Griego nga pulong nga iginhubad nga “garantiya” ha 2 Corinto 1:22 usa nga “termino nga ginagamit may kalabotan ha balaud ngan negosyo” nga nangangahulogan hin “siyahan nga hulog, deposito, patiuna nga bayad, . . . nga iginbabayad sugad nga bahin han presyo han ginpalit, salit nagkakaada hin legal nga katungod an nagtatag-iya hito nga butang, o napaparig-on an kontrata.” May kalabotan ha mga dinihogan, an ira bug-os nga bayad o balos iginhuhulagway ha 2 Corinto 5:1-5 nga pagsul-ot han diri nadudunot nga lawas ha langit. An balos nag-uupod liwat han pagkarawat han regalo nga imortalidad.—1 Cor. 15:48-54.

Ha moderno nga Griego, ini nga pulong may kaparihoan ha ginagamit para ha engagement ring. Angayan ini nga ilustrasyon para hadton magigin bahin han simboliko nga asawa han Kristo.—2 Cor. 11:2; Pah. 21:2, 9.

Selyo: Hadto, an selyo ginagamit sugad nga pirma para pamatud-an an pagtag-iya ha usa nga butang, an pagin tinuod, o an kasabotan. May kalabotan ha mga dinihogan, simboliko nga ‘ginsiselyohan’ o gintatatakan hira han baraan nga espiritu sugad nga panag-iya han Dios. (Efe. 1:13, 14) Pero ini nga selyo diri permanente tubtob nga an usa nga tawo mamatay nga matinumanon o antes magtikang an daku nga kasakitan.—Efe. 4:30; Pah. 7:2-4.