“Pabay-i nga Matuman han Pagpailob an Katuyoan Hito”
“Pabay-i nga matuman han pagpailob an katuyoan hito, basi magin perpekto kamo ngan magin maopay ha ngatanan nga paagi, nga waray kulang nga bisan ano.”—SAN. 1:4.
KARANTAHON: 135, 139
1, 2. (a) Ano an aton hibabaroan ha pagpailob ni Gideon ngan han 300 nga iya kaupod? (Kitaa an retrato hini nga pahina.) (b) Sumala ha Lucas 21:19, kay ano nga importante gud an pagpailob?
NAGTITIKAKURI an away. Bug-os nga gab-i nga ginlinanat han Israelita nga kasundalohan nga ginpapangunahan ni Hukom Gideon an ira mga kaaway—an Midianitanhon nga kasundalohan ngan an mga kaalyado hito—ha kahirayo nga mga 32 ka kilometro! Iginsasaysay han Biblia an sunod nga nahitabo: ‘Ngan inabot hi Gideon ngada ha Jordan, ngan tinabok, hiya ngan an tulo ka gatos nga tawo nga upod niya, magluya na.’ Pero diri pa tapos an pakig-away ni Gideon ngan han iya mga kaupod kay may nabibilin pa nga mga 15,000 nga kaaway. Tungod han damu ka tuig nga pagtalumpigos han mga Midianitanhon, maaram an mga Israelita nga diri hira angay umundang. Salit basi bug-os nga mapirde an mga kaaway, ‘ginlinanat’ nira an mga Midianitanhon tubtob nga napirde.—Huk. 7:22; 8:4, 10, 28.
2 Naatubang liwat kita hin makuri nga pakig-away. Hi Satanas, an iya kalibotan, ngan an aton pagkadiri-hingpit amo an aton mga kaaway. An pipira ha aton damu ka dekada na nga nakikig-away, ngan ha bulig ni Jehova, nagdadaog kita. Kondi usahay, bangin ginkakapoy na kita ha Lucas 21:19.) Ano an pagpailob? Ano an mabulig ha aton nga makapailob? Ano an aton hibabaroan tikang ha mga nagpailob? Ngan paonan-o naton ‘papabay-an nga matuman han pagpailob an katuyoan hito’?—San. 1:4.
pakig-away ngan paghinulat han kataposan hini nga sistema. Pero, diri pa bug-os an aton kadaogan. Hi Jesus nagpahamangno nga kita nga nagkikinabuhi hinin kataposan nga mga adlaw makakaeksperyensya hin duro nga mga kakurian ngan pagtimaraot, pero nagsiring liwat hiya nga an aton kalamposan nakadepende ha aton pagpailob. (Basaha anANO AN PAGPAILOB?
3. Ano an pagpailob?
3 Ha Biblia, an pagpailob diri la kay basta pag-antos han mga pagsari o kakurian. Nahidadabi hito an aton hunahuna ngan kasingkasing, o an paagi han aton pag-atubang ha mga kakurian. An usa nga nagpapailob nagpapakita hin kaisog, karig-on, ngan pagin pasensyoso. An pagpailob amo “an disposisyon nga antuson an mga kahimtang, nga diri la basta kinakarawat ito, kondi may marig-on nga paglaom,” siring han usa nga reperensya. “Ito an kalidad nga nabulig ha usa nga magpabilin nga marig-on bisan pa han makuri gud nga mga problema. Ito an maopay nga kalidad nga puydi himoon nga himaya an pinakamakuri nga pagsari tungod kay ha luyo han kasakitan nakikita hito nga natutuman an katuyoan.”
4. Kay ano nga makakasiring kita nga gugma an nagpapagios ha usa nga magpailob?
4 Gugma an nagpapagios ha usa nga Kristiano nga magpailob. (Basaha an 1 Corinto 13:4, 7.) An gugma kan Jehova nagpapagios ha aton nga ilubon an bisan ano basi buhaton an iya kaburut-on. (Luc. 22:41, 42) An aton gugma ha kabugtoan nabulig ha aton nga magpailob ha ira mga kaluyahan. (1 Ped. 4:8) An gugma ha aton padis nabulig ha aton nga magpailob ha “kasakitan” nga naieksperyensyahan bisan han malipayon nga mag-asawa ngan maparig-on an bugkos han pag-asawa.—1 Cor. 7:28.
ANO AN MABULIG HA IMO NGA MAKAPAILOB?
5. Kay ano nga hi Jehova gud la an makakabulig ha aton ha pinakamaopay nga paagi basi makailob?
5 Pangaro kan Jehova hin kusog. Hi Jehova amo “an Dios nga nagliliaw ngan nabulig ha aton basi makailob.” (Roma 15:5) Hiya gud la an bug-os nga nakakasabot han aton mga problema pati na kon paonan-o nakakaapekto ha aton an aton palibot, emosyon, ngan genes. Hiya gud la an makakabulig ha aton ha pinakamaopay nga paagi basi makailob. An Biblia nasiring: “Magtutuman hiya han tinguha nira nga nahadlok ha iya; hiya liwat makakabati han ira singgit, ngan magluluwas ha ira.” (Sal. 145:19) Pero paonan-o ginbabaton han Dios an aton pag-ampo para hin kusog basi makapailob?
6. Sugad han iginsasaad han Biblia, paonan-o hi Jehova posible ‘maghimo hin paagi nga makagawas kita’ ha mga pagsari?
6 Basaha an 1 Corinto 10:13. Kon nag-aampo kita kan Jehova nga buligan kita nga malamposan an mga pagsari, ‘maghihimo hiya hin paagi nga makagawas kita.’ Ginmamaniobra ba ni Jehova an mga butang basi mawara an mga pagsari? Usahay. Pero kasagaran nga naghihimo hiya hin paagi nga makagawas kita “basi makailob hito.” Oo, ginpaparig-on kita ni Jehova basi “makaantos gud [kita] nga may pagpailob ngan kalipay.” (Col. 1:11) Ngan tungod kay maaram gud hiya han aton pisikal, mental, ngan emosyonal nga mga limitasyon, diri niya tutugotan nga an kahimtang umabot ha punto nga diri kita makakapabilin nga matinumanon.
7. Iilustrar kon kay ano nga kinahanglan naton an espirituwal nga pagkaon basi makapailob.
7 Parig-ona an imo pagtoo pinaagi han espirituwal nga pagkaon. Pananglitan, basi makasagka an usa nga tawo ha Mount Everest, an pinakahitaas nga bukid ha bug-os nga kalibotan, kinahanglan niya hin mga 6,000 nga calorie kada adlaw—mas damu kay ha kasagaran nga ginkikinahanglan han usa nga tawo. Basi makailob ha iya pagsagka ngan makaabot ha pungkay, kinahanglan niya kumaon hin mas damu nga calorie tubtob nga posible. Ha pariho Juan 6:27.
nga paagi, basi makailob kita ha dalan han kinabuhi sugad nga Kristiano ngan makaabot ha aton destinasyon, kinahanglan kita regular nga kumaon hin damu nga espirituwal nga pagkaon tubtob nga posible. Kinahanglan magkaada kita disiplina basi makagahin hin panahon ha pagbasa, pag-aram, ngan pagtambong ha mga katirok. Magpaparig-on ini han aton pagtoo pinaagi han “pagkaon . . . nga naghahatag hin kinabuhi nga waray kataposan.”—8, 9. (a) Sumala ha Job 2:4, 5, ano an nahidadabi kon naatubang kita hin mga pagsari? (b) Kon nakakaeksperyensya ka hin mga pagsari, ano nga eksena an mahimo mo handurawon?
8 Hinumdumi an imo pagkamaunungon ha Dios. Kon an usa nga surugoon ni Jehova nakakaeksperyensya hin pagsari, may mas importante nga nahidadabi kay han iya gin-aantos. An aton paagi han pag-atubang ha mga pagsari magpapakita kon ginkikilala gud ba naton hi Jehova sugad nga an Soberano ha Uniberso. Hi Satanas, an nakontra ha pagkasoberano ni Jehova, nagtamay kan Jehova pinaagi ha pagsiring: “An ngatanan nga gintatag-iya han tawo iya ihahatag para han iya kinabuhi. Kondi bikyawa an imo kamot yana, ngan kamkama an iya tul-an ngan an iya unod, ngan hiya magtatampalas ha imo ngada ha imo nawong.” (Job 2:4, 5) Nagsiring hi Satanas nga waray nag-aalagad kan Jehova tungod han gugma ha Iya. Nagbag-o ba ito nga akusasyon ni Satanas? Waray gud! Paglabay hin damu ka siglo, han ginlabog hi Satanas ha tuna, gintatawag pa gihapon hiya nga “an parag-akusar ha aton kabugtoan, nga nag-aakusar ha ira ha adlaw ngan gab-i ha atubangan han aton Dios!” (Pah. 12:10) Yana, padayon nga ginruruhaduhaan ni Satanas an motibo han mga tawo ha ira pagkamaunungon ha Dios. Karuyag gud niya nga madaog kita han mga pagsari ngan umundang pagsuporta ha pagkasoberano han Dios.
9 Salit kon nag-aantos ka hin mga kakurian, handurawa ini nga eksena. Hi Satanas ngan an iya mga demonyo aada ha usa nga dapit; nakikita nira an imo mga pagsari ngan nasiring nga magpapadaog ka hito ngan maundang. Ha kaluyo naman nga dapit, aada hi Jehova, an iya nagmamando nga Anak, an binanhaw nga mga dinihogan, ngan an yinukot-yukot nga mga anghel. Nakikita liwat nira an imo mga pagsari, ngan gin-aaghat ka nira nga magpadayon! Nalilipay hira nga nagpapailob ka ngan ginsusuportaran mo an pagkasoberano ni Jehova. Katapos nababatian mo nga hi Jehova nasiring ha imo: “Anak ko, pagmakinaadmananon, ngan himoa an akon kasingkasing nga malipayon, nga ako makabaton ha iya nga nagsasaway ha akon.”—Prob. 27:11.
10. Paonan-o mo masusubad hi Jesus ha pagpokus ha mga balos tungod han pagpailob?
10 Pagpokus ha mga balos tungod han pagpailob. Handurawa nga nagbibiyahe ka ngan umagi ha usa nga hilaba nga tanel. Masirom an palibot. Pero sigurado ka nga kon magpapadayon ka tubtob ha durho han tanel, makikita mo utro an kalamrag. Sugad man, usahay bangin nabubug-atan ka tungod han damu hinduro nga problema. Bisan hi Jesus, bangin inabat hito. Hiya an puntirya han “maraot nga panyakan han magpakasasala,” pagtamay, ngan bisan han masakit nga kamatayon ha “pasakitan nga kahoy”—an pinakamakuri nga takna han iya kinabuhi! Pero gin-ilob ni Jesus ito ngatanan “tungod han kalipay nga iginbutang ha iya atubangan.” (Heb. 12:2, 3) Nagpokus hiya ha mga balos han iya pagpailob, labi na an mahihimo hito ha pagbaraan han ngaran han Dios ngan ha pagbindikar han pagkasoberano ni Jehova. Maaram hiya nga an iya mga pagsari temporaryo la pero an iya balos ha langit waray kataposan. Yana, bangin makuri ngan masakit pa ngani an mga pagsari nga imo naieksperyensyahan. Pero hinumdumi nga an imo mga kakurian ha dalan tipakadto ha kinabuhi nga waray kataposan temporaryo la.
‘ADTON NAGPAILOB’
11. Kay ano nga sadang naton tagdon an mga ehemplo ‘hadton nagpailob’?
11 Diri la kita an nagpapailob. Basi dasigon an mga Kristiano nga magpailob ha mga kakurian 1 Ped. 5:9) An mga ehemplo ‘hadton nagpailob’ nagtututdo ha aton kon paonan-o magpapabilin nga marig-on, nagpapasarig ha aton nga maglalampos kita, ngan nagpapahinumdom ha aton nga babalosan an aton pagkamatinumanon. (San. 5:11) Hisgotan naton an pipira nga ehemplo. [1]
nga ginpapahinabo ni Satanas, hi apostol Pedro nagsurat: “Atohi niyo hiya, magmarig-on ha iyo pagtoo, kay maaram kamo nga an sugad hito nga mga pag-antos gin-iilob liwat han ngatanan nga kabugtoan niyo ha bug-os nga kalibotan.” (12. Ano an aton hibabaroan ha ehemplo han mga kerubin nga ginpabantay ha Eden?
12 An mga kerubin. An ehemplo han pipira nga kerubin nga nagpakita ha mga tawo, makakagtutdo ha aton nga magpailob ha makuri nga toka. Hi Jehova nga Dios “nagbutang ha may sinirangan han tanaman han Eden hin mga kerubin, ngan laga han usa nga espada nga nagbirikbirik ha tagsa nga agian basi mabantayan [an] dalan han kahoy han kinabuhi.” [2] (Gen. 3:24) Diri ito an orihinal nga toka han mga kerubin, kay an sala ngan pagrebelde diri bahin han katuyoan ni Jehova para ha katawohan. Kondi waray kita mababasa nga an mga kerubin, nga may hitaas nga posisyon ha langit, nagreklamo nga diri angay ha ira an ira toka. Waray hira mauyam ngan umundang ha ira toka. Lugod, padayon nga gintuman nira ito ngan nagpailob tubtob nga natapos ito—bangin durante han Baha, paglabay hin sobra 1,600 ka tuig!
13. Ano an nakabulig kan Job nga mailob an mga pagsari?
13 An patriarka nga hi Job. Kon nasakitan ka tungod han ginsiring han imo sangkay o kapamilya, nag-aantos hin grabe nga sakit, o nasusubo hinduro tungod han kamatyi hin hinigugma, mapaparig-on ka han ehemplo ni Job. (Job 1:18, 19; 2:7, 9; 19:1-3) Bisan kon diri maaram hi Job han hinungdan han iya mga pag-antos, nagpailob gud hiya. Kay ano? Tungod kay ‘nahadlok hiya ha Dios.’ (Job 1:1) Determinado hi Job nga lipayon hi Jehova ha maopay man o diri maopay nga mga kahimtang. Pinaagi ha bulig han Dios, ginpamalandong ni Job an urusahon nga mga butang nga nahimo na ni Jehova pinaagi han Iya baraan nga espiritu. Sigurado gud hi Job nga tatalwason hiya ni Jehova ha iya mga pagsari ha husto nga panahon. (Job 42:1, 2) Ngan ito gud an nahitabo. Ginkuha ni Jehova an mga pag-antos ni Job ngan iginbalik ha iya an iya mga panag-iya. Gindoble pa ito ni Jehova. Hi Job nagkaada hilawig ngan makapatagbaw nga kinabuhi.—Job 42:10, 17.
14. Sumala ha 2 Corinto 1:6, paonan-o an pagpailob ni Pablo nakabulig ha iba?
14 An apostol nga hi Pablo. Naatubang ka ba hin duro nga pagkontra, o pagtimaraot pa ngani? Usa ka ba nga tigurang o paramangno han sirkito nga nabubug-atan han damu nga responsabilidad? Pamalandonga an ehemplo ni Pablo. Nag-antos hiya hin duro nga pagtimaraot ngan nabaraka gud 2 Cor. 11:23-29) Pero waray hiya umundang, salit an iya ehemplo nagparig-on ha iba. (Basaha an 2 Corinto 1:6.) Kon nag-iilob ka hin mga kakurian, hinumdumi nga an imo ehemplo posible nga makaparig-on ha iba nga magpailob.
ha kahimtang han kabugtoan ha kongregasyon. (MATUTUMAN BA HA IMO AN KATUYOAN HAN PAGPAILOB?
15, 16. (a) Ano nga “katuyoan” an gintutuman han pagpailob? (b) Paghatag hin mga ehemplo kon paonan-o naton ‘papabay-an nga matuman han pagpailob an katuyoan hito.’
15 Hi Santiago gin-giyahan ha pagsurat: “Pabay-i nga matuman han pagpailob an katuyoan hito.” Ano nga “katuyoan” an matutuman han pagpailob? Nabulig ito ha aton nga “magin perpekto . . . ngan magin maopay ha ngatanan nga paagi, nga waray kulang nga bisan ano.” (San. 1:4) Kasagaran nga kon naatubang kita hin mga pagsari nakikita naton an aton mga kaluyahan—mga aspekto han aton personalidad nga kinahanglan naton pauswagon. Pero kon gin-iilob naton ito nga mga pagsari, an aton Kristiano nga personalidad nagigin mas maopay, o perpekto. Pananglitan, bangin magin mas pasensyoso kita, maapresyaron, ngan mapinairon.
Kon nagpapailob kita ha mga pagsari, an aton Kristiano nga personalidad nagigin perpekto (Kitaa an parapo 15, 16)
16 Tungod kay an pagpailob nabulig ha aton nga magin mas maopay nga Kristiano, ayaw ikompromiso an Kasuratanhon nga mga prinsipyo basi la matapos an pagsari nga imo naieksperyensyahan. Pananglitan, ano man kon gin-aatohan mo an imoral nga panhunahuna? Imbes nga magpadaog ha pagsulay, pag-ampo basi maisalikway mo an sayop nga panhunahuna. Hito nga paagi, mapaparig-on mo an imo pagpugong ha kalugaringon. Ginkukontra ka ba han imo diri tumuroo nga mga kapamilya? Imbes nga magpadara ha mga pagsulay, magin determinado nga padayon nga mag-alagad kan Jehova. Sugad nga resulta, mapaparig-on mo an imo pagsarig kan Jehova. Hinumdumi: Basi makarawat an pag-uyon han Dios, kinahanglan naton magpailob.—Roma 5:3-5; San. 1:12.
17, 18. (a) Iilustrar an pagkaimportante han pagpailob tubtob ha kataposan. (b) Samtang nagtitikahirani kita ha kataposan, ano an aton malalaoman?
17 Kinahanglan naton magpailob, diri la ha sulod hin pipira ka panahon, kondi tubtob ha kataposan. Ha pag-ilustrar: Handurawa an usa nga nalulunod nga barko. Basi matalwas an mga pasahero, kinahanglan nira lumangoy tubtob ha baybayon. An naglangoy pero umundang mga pipira ka metro tikang ha baybayon malulumos pariho ha naglangoy nga umundang nga hirayo pa ha baybayon. Sugad man, determinado kita nga magpailob tubtob nga makaabot ha bag-o nga kalibotan. An aton kinabuhi nakadepende ha aton pagpailob. Ginsusubad naton an disposisyon ni apostol Pablo, nga duha ka beses nga nagsiring: “Diri kami naundang.”—2 Cor. 4:1, 16.
18 Bug-os nga makakasarig kita nga bubuligan kita ni Jehova nga makapailob tubtob ha kataposan. Inaabat gud naton an ginsiring ni Pablo ha Roma 8:37-39: “Bug-os nga nagdadaog kita pinaagi ha iya nga nahigugma ha aton. Kay kombinsido ako nga bisan an kamatayon, kinabuhi, mga anghel, mga gobyerno, mga butang nga aanhi yana, mga butang nga maabot, mga gahum, kahitas-an, kahiladman, o an bisan ano nga iba pa nga butang nga hinimo han Dios diri makakagbulag ha aton ha gugma han Dios nga iginpakita pinaagi kan Kristo Jesus nga aton Ginoo.” Oo, bangin kapuyon kita. Pero hinaot subaron naton hi Gideon ngan an iya mga kaupod. Ginkapoy hira pero waray hira umundang. Padayon hira nga ‘naglinanat.’—Huk. 8:4.
^ [1] (parapo 11) Mapaparig-on ka liwat ha paghibaro kon paonan-o nagpapailob an katawohan han Dios yana. Pananglitan, mababasa naton ha Yearbook han 1992, 1999, ngan 2008 an makaparig-on nga mga eksperyensya han aton kabugtoan ha Ethiopia, Malawi, ngan Rusya.
^ [2] (parapo 12) An Biblia waray magsiring kon pira nga kerubin an ginpabantay ha Eden.