Hi Jesus an Hadi han Ginhadian han Dios.

Lucas 1:31-33: “Ngangaranan mo hiya hin Jesus. Magigin harangdon hiya ngan tatawagon nga Anak han Gihitaasi, ngan ihahatag ha iya ni Jehova nga Dios an trono ni David nga iya amay, ngan magmamando hiya sugad nga Hadi ha panimalay ni Jacob ha kadayonan, ngan magigin waray kataposan an iya Ginhadian.”

An Ginhadian an nangunguna nga topiko han pagsangyaw ni Jesus.

Mateo 9:35: “Ginlibot ni Jesus an ngatanan nga syudad ngan mga baryo, nga nagtututdo ha ira mga sinagoga ngan nagsasangyaw han maopay nga sumat han Ginhadian ngan nagtatambal han tagsa nga klase hin sakit ngan han tagsa nga klase hin balatian.”

Naghatag hi Jesus ha iya mga disipulo hin tigaman kon san-o maabot an Ginhadian.

Mateo 24:7: “Kay an usa nga nasud makikig-away ha lain nga nasud ngan an usa nga ginhadian makikig-away ha lain nga ginhadian, ngan magkakaada kakulang hin mga pagkaon ngan mga linog ha iba-iba nga mga lugar.”

Bug-os-kalibotan nga iginsasangyaw yana han mga disipulo ni Jesus an mahitungod han Ginhadian.

Mateo 24:14: “Ngan inin maopay nga sumat han Ginhadian isasangyaw ha bug-os nga inuukyan nga tuna sugad nga pamatuod ha ngatanan nga nasud, ngan katapos hito maabot an kataposan.”