KON PAONAN-O MATATAPOS AN KANGALAS
2 | Ayaw Pagbulos
Katutdoan han Biblia:
“Ayaw pagbulos hin maraot ha maraot ha bisan hin-o. . . . Kon posible, buhata an iyo gimaopayi ha pakigmurayaw ha ngatanan nga tawo. . . . Ayaw kamo pagbulos, . . . kay nahisurat na: ‘“Akon an pagbulos; ako an mabulos,” nasiring hi Jehova.’”—ROMA 12:17-19.
An Karuyag Sidngon Hito:
Bisan kon normal la nga masina kon may nakakasayop ha aton, diri nauyon an Dios kon mabulos kita. Lugod, gin-aaghat kita niya nga maghulat ha iya kay hirani na niya tadungon an ngatanan nga kawaray-hustisya.—Salmo 37:7, 10.
An Puydi Mo Buhaton:
Kon an diri perpekto nga mga tawo nabulos, nagpapadayon an kangalas. Salit kon may nakapasina o nagbuhat hin maraot ha imo, ayaw pagbulos. Talinguhaa nga pugngan an imo inaabat ngan an imo reaksyon. Ha pipira nga kahimtang, bangin mas maopay nga palabyon na la ito. (Proberbios 19:11) Ha iba nga kahimtang, bangin mas maopay nga ireport an nahitabo. Pananglitan, kon biktima ka hin krimen, puydi mo ireport ito ha mga pulis o ha iba pa nga awtoridad.
Kon padayon ka nga mabulos ikaw la gihap an mag-aantos
Ano man kon baga hin waray mamurayawon nga paagi ha pagsulbad han problema? O ano man kon ginbuhat mo na an tanan mo nga mahihimo basi masulbad ito ha mamurayawon nga paagi? Ayaw pagbulos. Kay kon bubuhaton mo ito, posible nga magtikaraot la an sitwasyon. Pero kon diri ka mabulos, makakabulig ka nga diri magpadayon an kangalas. Mahibabaro ka ha pagsarig ha paagi han Dios ha pagsulbad han problema. “Sarig ha iya, ngan magios hiya para ha imo.”—Salmo 37:3-5.
Bangin Maruyagan Mo Liwat
AN BIBLIA NAKAKAGBAG-O HAN KINABUHI
Karuyag Ko Tapuson an Kawaray-Hustisya
Hi Rafika inapi ha grupo nga karuyag tapuson an diskriminasyon. Pero nahibaroan niya nga an Ginhadian han Dios an maghahatag hin kamurayawan ngan hustisya.
AN BIBLIA NAKAKAGBAG-O HAN KINABUHI
Mapipirde ba han Gugma an Kangalas?
Mahimo magin makuri an paglampos ha diskriminasyon. Kitaa kon paonan-o ito nahimo han usa nga Judio ngan usa nga Palestino.
