Diri kita ginhuhukman ni Jehova * nga Dios pinaagi han aton nasyonalidad, lahi, kolor han panit, o kultura. Lugod, nagpupokus hiya ha kon ano an importante—an aton sulod nga pagkatawo. An Biblia nasiring liwat, “panggawas nga hitsura la an nakikita han tawo, pero nakikita ni Jehova an kasingkasing.”​—1 Samuel 16:7.

Bisan kon diri kita nakakabasa han kasingkasing, puydi naton subaron an Dios ngan diri magpaurog. Pangalimbasugi nga masabtan an mga tawo sugad nga mga indibiduwal diri sugad nga grupo. Kon naabat ka nga may-ada ka negatibo nga pagbati ha iba​—bangin ha mga iba an lahi o nasyonalidad—​pag-ampo ha Dios ngan pagpabulig ha iya nga mawara ito nga imo inaabat. (Salmo 139:23, 24) Kon sinsero nga maghahangyo ka kan Jehova nga tagan ka hin kusog basi diri magpaurog, makakasiguro ka nga papamatian niya an imo pag-ampo ngan bubuligan ka niya.—1 Pedro 3:12.