Kon waray pa, posible nga may nakita ka na nga usa nga klase hin kangalas. Kasagaran na nga nababatian naton ha mga balita an mahitungod ha mga tawo nga ginkakangalasan tungod kay iba an ira nasud, lahi, o tungod kay homoseksuwal hira. Sugad nga resulta, damu nga gobyerno an naghihimo hin mga balaud kontra ha iba-iba nga ginhihimo nga krimen tungod ha kangalas.

An mga tawo nga ginkakangalasan kasagaran na nga nangangalas liwat ha iba. An mga biktima han kangalas kaurogan na nga nabulos, salit diri natatapos an kangalas.

Bangin nakaeksperyensya ka na hin diskriminasyon, o bangin gintamay ka na, gin-insulto, ngan gintarhog. Pero kasagaran na nga labaw pa hito an nahihimo han kangalas. Agsob ito magresulta ha pisikal nga kamadarahog, pan-bully, bandalismo, pag-atake, panlugos, pagpatay, o pagpoo pa ngani hin lahi.

Babatunon hini nga magasin an masunod nga mga pakiana ngan ipapakita hini kon paonan-o madadaog an kangalas:

• Kay ano nga duro gud an kangalas?

• Paonan-o matatapos an kangalas?

• Maabot pa ba an panahon nga an kangalas mawawara na ha kadayonan?