Makakapili Ka han Imo Kabubuwason
Mga 3,500 ka tuig na an naglabay, ginsidngan ni Jehova nga Dios adton nagsisingba ha iya kon ano an kinahanglan nira buhaton basi magkaada mas maopay nga kabubuwason: “Akon kamo ginpapapili butnga han kinabuhi o han kamatayon, han bendisyon o han sumpa; ngan kinahanglan pilion mo an kinabuhi basi ka mabuhi, ikaw ngan an imo katulinan.”—Deuteronomio 30:19.
Basi magkaada makalilipay nga kabubuwason, kinahanglan tama an ira pilion. Yana ito gihapon an aton mapipilian. Iginsasaysay han Biblia kon paonan-o magpipili hin mas maopay nga kabubuwason: “Pinaagi han paghigugma kan Jehova nga imo Dios, pinaagi han pagpamati ha iya tingog.”—Deuteronomio 30:20.
PAONAN-O NATON HIHIGUGMAON HI JEHOVA NGAN PAPAMATIAN AN IYA TINGOG?
MAHIBARO TIKANG HA BIBLIA: Basi higugmaon hi Jehova, kinahanglan mahibaro ka anay parte ha iya tikang ha Biblia. Ha pagbuhat hito, mahibabaroan mo nga usa hiya nga mahigugmaon nga Dios nga karuyag an pinakamaopay para ha imo. Gin-aaghat ka niya nga mag-ampo ha iya ‘kay nagtatagad hiya ha imo.’ (1 Pedro 5:7) Nagsasaad an Biblia nga kon mangangalimbasog ka nga magin duok ha iya, ‘magigin duok hiya ha imo.’—Santiago 4:8.
BUHATA AN IMO NAHIBABAROAN: An pagpamati ha Dios nagpapasabot hin pagsunod ha iya maaramon nga giya nga mababasa ha Biblia. Kon bubuhaton mo ito, ‘magigin malampuson ka ngan magios ka nga maaramon.’—Josue 1:8.
^ par. 7 Ha pagkayana, may-ada hini ha pito nga linggwahe, upod na an Mandarin ngan Cantonese Chinese.
Pilia na yana nga magpagiya ha Biblia basi magkaada mas maopay nga kabubuwason!
Bangin Maruyagan Mo Liwat
AN BARANTAYAN
An Imo Tidaraon Nakadepende ha Imo Desisyon!
Natoo an pipira nga an kapalaran o itinanda na nga daan nga tidaraon, an nagkukontrol han ira kinabuhi. Kondi husto ba ito?
