AN IBA NATOO nga nagrirepresentar ito ha pagmando han Dios ha kasingkasing han tawo; para ha iba, resulta ito han pangalimbasog han tawo nga magkaada kamurayawan ngan pagminagburugto ha kalibotan. Para ha imo, ano ito?

KON ANO AN GINSISIRING HAN BIBLIA

“An Dios ha langit magpapabangon hin usa nga ginhadian, nga diri gud magugunaw, . . . ini magpipinitpinit ngan mag-aanaw hini ngatanan nga ginhadian [han tawo].” (Daniel 2:44) An Ginhadian han Dios usa nga tinuod nga gobyerno.

KON ANO PA AN ATON MAHIBABAROAN HA BIBLIA

• An Ginhadian han Dios magmamando tikang ha langit.—Mateo 10:7; Lucas 10:9.

• Gagamiton han Dios an Ginhadian basi tumanon an iya kaburut-on ha langit ngan ha tuna.—Mateo 6:10.

ANO AN IMO BATON?

• Waray maaram

• Diri na maiha

• Diri ito maabot

KON ANO AN GINSISIRING HAN BIBLIA

“Inin maopay nga sumat han Ginhadian isasangyaw ha bug-os nga inuukyan nga tuna sugad nga pamatuod ha ngatanan nga nasud, ngan sunod hito an kataposan maabot.” (Mateo 24:14) Kon maisangyaw na an maopay nga sumat ha bug-os nga kalibotan, tatapuson han Ginhadian an maraot nga sistema yana.

KON ANO PA AN ATON MAHIBABAROAN HA BIBLIA

• Waray tawo nga maaram kon san-o gud maabot an Ginhadian han Dios.—Mateo 24:36.

• An mga tagna ha Biblia nagpapakita nga hirani na umabot an Ginhadian.—Mateo 24:3, 7, 12.