Kon nagbabasa kita han Biblia, mahimo naton gamiton an iba-iba nga garamiton ha pag-aram basi mas masabtan an aton ginbabasa. Pero nag-aaram kita diri la para madugangan an aton kahibaro ha Biblia. Karuyag naton mamiling hin espirituwal nga mga hiyas mahitungod ha personalidad ni Jehova nga makakadugang han aton gugma ha iya. Basi mabuhat ini, mahimo naton pakianhan an aton kalugaringon, ‘Ano an igintututdo ha akon mahitungod kan Jehova hini nga rekord han Biblia?’

Mahimo kita magbiling hin ebidensya kon paonan-o iginpapakita ni Jehova an iya magpakaruruyag nga kalidad nga gugma, kinaadman, hustisya, ngan gahum. Pero diri la ini an mga kalidad ni Jehova. May iba pa hiya nga magpakaruruyag nga kalidad. Diin ka makakabiling hin dugang nga impormasyon mahitungod ha iya mga kalidad?

Kitaa ha Tulong sa Pag-aaral ng mga Saksi ni Jehova an ulohan nga “Diyos na Jehova,” katapos, an sub-ulohan nga “Katangian ni Jehova.” Katapos, pagpokus ha mga kalidad nga ginpapabug-atan ha rekord ha Biblia nga imo ginbabasa.