Usa ka adlaw, may sister nga taga-New Zealand nga nagkita hin video nga naghihisgot kon paonan-o hi Jehova diri la kay naabat hin pagpaid kondi iginpapakita liwat Niya ito. (Isa. 63:​7-9) Nagdesisyon hiya nga ig-aplikar an iya nahibaroan pinaagi ha paghatag hin praktikal nga bulig. Ha urhi, hito mismo nga adlaw samtang naggugroseri, may nakilala hiya nga babaye nga waray urukyan ngan nag-offer hiya nga papalitan niya hiya hin pagkaon. Ginkarawat ito han babaye. Han binalik an sister basi ihatag an pagkaon, nagkaada hiya oportunidad nga sangyawan an babaye gamit an tract nga Matatapos Pa ba an Pag-antos?

Nakatangis an babaye. Iginsaysay niya nga nagdaku hiya sugad nga Saksi pero binaya ha kamatuoran damu ka tuig na an naglabay. Pero bag-o la nga nag-inampo hiya kan Jehova nga buligan hiya nga makabalik ha Iya. Gintagan han sister an babaye hin Biblia ngan nakigsabot para mag-Bible study. a

Masusubad naton an pagpaid ni Jehova ha mga tawo, pati na ha aton mga paryente ngan ha aton kabugtoan ha kongregasyon. Ngan maipapakita naton an pagpaid pinaagi ha pagbiling hin mga oportunidad nga masangyawan an iba.