Posible nga nakukurian ka pariho ha damu nga hinumdoman an imo gin-adman. Pero napansin mo ba nga masayon mahinumdoman an mga ilustrasyon nga igintutdo ni Jesus? Kay naiimadyin mo ito ngan nabulig ito ha imo nga mahinumdoman an iya igintutdo. Ha pariho nga paagi, mas mahinunumdoman mo an imo gin-adman pinaagi ha pag-imadyin han imo ginbasa. Paonan-o mo ito mahihimo? Pinaagi ha pagdrowing han imo nahibaroan.

Agsob nga mas nahinunumdoman han mga tawo an ira bag-o nga nahibaroan kon ira ito gindudrowing. An pagdrowing nakakabulig ha ira nga masabtan hin maopay an mga pulong ngan pati liwat an mga ideya. An ira mga drowing diri duro kaopay—simple la. Ngan iginpapakita liwat hito nga labi nga nakakabulig ito ha mga edaran basi mahinumdoman an ira nahibaroan.

Ha sunod mo nga pag-aram, puydi mo testingan nga idrowing an imo mga nahibaroan. Makikita mo nga mas damu an imo mahinunumdoman!