Limitado la an aton panahon para ha personal nga pag-aram. Paonan-o naton ito magagamit ha pinakamaopay nga paagi? Siyahan, ayaw pagdagmit ha imo ginbabasa. Ha pagkatinuod, mas makakapahimulos ka pinaagi ha pag-aram hin maopay ha gutiay nga impormasyon kay ha pahapyaw nga pagbasa ha damu nga impormasyon.

Katapos, paghimo hin pipira nga prayoridad. (Efe. 5:15, 16) Tagda ini nga mga suhestyon:

• Basaha an Biblia kada adlaw. (Sal. 1:2) An usa han pinakamaopay nga pagtikang amo an pagsunod ha sinemana nga eskedyol han pagbasa ha Biblia para ha katirok ha midweek.

• Pag-andam para ha Pag-aram ha Barantayan ngan ha katirok ha midweek. Pag-andam basi makakomento.—Sal. 22:22.

• Pangalimbasugi liwat nga basahon ngan kitaon an iba pa nga espirituwal nga pagkaon, sugad han aton panpubliko nga mga magasin, mga video, ngan mga artikulo ha jw.org.

• Pagkaada proyekto han pag-aram. Puydi ka mag-research parte ha problema nga imo gin-aatubang, ha imo mga pakiana, o ha topiko ha Biblia nga karuyag mo nga masabtan pa.