Damu nga magwarali an nagamit han JW Library^® ha pag-andam para ha mga katirok, ngan gin-aapresyar nira nga nabulig ito basi makita dayon an tagsa nga aradman nga artikulo han Barantayan. Pero an aradman nga edisyon han An Barantayan agsob nga may iba pa nga artikulo nga may-ada espirituwal nga pagkaon. Paonan-o mo mabibilngan ini nga mga artikulo ngan magpahimulos hito, gamit an JW Library?

• Ha kataposan han tagsa nga aradman nga artikulo han Barantayan, may-ada sub-ulohan nga “Additional Reading.” Ha ubos hito, i-click an link nga “Other articles in this issue.” Kitaa an lista han mga sulod diin makikita mo an mga ulohan ngan numero han aradman nga mga artikulo. I-click an ulohan han iba nga artikulo nga karuyag mo basahon.

• Ha Home tab han JW Library ha seksyon nga “What’s New,” i-download an tagsa nga bag-o nga isyu han An Barantayan kon available na ito. Abrihi an gin-download nga magasin ngan kitaa an lista han mga sulod basi masiguro nga magpapahimulos ka ha ngatanan nga artikulo.