HI Jesus nagsiring: “Mas makalilipay an paghatag kay ha pagkarawat.” (Buh. 20:35) Inin importante nga kamatuoran aplikado ha aton relasyon kan Jehova. Ha ano nga paagi? Damu nga regalo an iginhahatag ha aton ni Jehova nga nakakapalipay ha aton, pero magigin mas malipayon kita pinaagi ha paghatag hin regalo ha iya. Ano nga regalo an aton maihahatag kan Jehova? An Proberbios 3:9 nasiring: “Pasidunggi hi Jehova pinaagi han imo manggad [o, birilhon nga mga butang].” An aton “birilhon nga mga butang” nag-uupod han aton panahon, talento, kusog, ngan materyal nga mga panag-iya. Kon ginagamit naton ini basi suportaran an tinuod nga pagsingba, gintatagan naton hi Jehova hin regalo, ngan an pagbuhat hito naghahatag ha aton hin daku nga kalipay.

May kalabotan ha aton materyal nga mga panag-iya, ano an mabulig ha aton basi diri naton mahingalimtan an paghatag hin regalo kan Jehova? Ginsidngan ni apostol Pablo an mga taga-Corinto nga “maglain” hin kantidad sugad nga kontribusyon. (1 Cor. 16:2) Ano an mahimo mo buhaton kon karuyag mo mahibaroan an dugang nga impormasyon mahitungod ha pamaagi han pagdonar nga may-ada ha iyo lugar? Alayon kitaa an kahon ha ubos.

An pagdonar online diri posible ha pipira nga nasud. Pero may impormasyon mahitungod ha iba pa nga paagi han pagdonar nga mababasa ha web page han donasyon. Ha pipira nga nasud may artikulo nga mababasa dida hito nga page nga nagbabaton han komon nga mga pakiana mahitungod ha donasyon.