Karuyag mo ba nga mas magpahimulos ha imo personal nga pag-aram? Puydi mo testingan ini nga mga tip basi mas makapokus ka kon nag-aaram:

• Pagpili hin maopay nga lokasyon. Kon posible, pamiling hin lugar nga diri masarang ngan may igo nga lamrag. Puydi ka lumingkod ha may lamesa, o puydi ka mamiling hin komportable nga lokasyon ha gawas.

• Pamiling hin lugar nga puydi ka mag-usahan. Ginpili ni Jesus nga mag-ampo “temprano han aga” ha “usa nga lugar nga nahibubulag.” (Mar. 1:35) Kon diri posible nga mag-usahan, puydi mo isumat ha imo pamilya o ha imo mga kaupod ha balay an imo eskedyol ha pag-aram ngan hangyoon hira nga diri ka disturbuhon hito nga panahon.

• Pagpabilin nga nakapokus. Likayi nga madisturbo. Kon magamit ka han imo celfon o tablet ha pag-aram, i-silent ito o i-airplane mode basi diri ka madisturbo. Ngan kon may mahunahuna ka nga kinahanglan mo buhaton, ilista ito basi maasikaso mo katapos han imo pag-aram. Kon nakukurian ka na pagpokus, paglakat-lakat hin madaliay o pangunat.