Magin Maisugon Ngan Buhata an Buruhaton
‘Magmakusganon ka ngan magmaisugon, ngan buhata [an buruhaton]. Ayaw kahadluk, o ayaw kaholop; kay hi Jehova nga Dios maupud ha imo.’—1 KRON. 28:20.
KARANTAHON: 60, 29
1, 2. (a) Ano nga importante nga toka an nakarawat ni Solomon? (b) Kay ano nga nabaraka hi David kan Solomon?
HI Solomon gintokahan nga magin paramangno ha usa han pinakaimportante nga proyekto ha bug-os nga kasaysayan—an pagtukod han templo ha Jerusalem. Ito nga templo kinahanglan magin ‘matahom gud’ nga tungod hini mahibabantog ito ha bug-os nga tuna. Labaw ha ngatanan, an templo magigin “balay ni Jehova nga Dios.” Nagsugo hi Jehova nga hi Solomon an magigin paramangno hini nga proyekto.—1 Kron. 22:1, 5, 9-11; Maupay nga Sumat.
2 Hi Hadi David nasarig nga bubuligan han Dios hi Solomon. Pero “bata pa hi Solomon ngan kulang pa hin hibaro,” o eksperyensya. Magigin maisugon ba hiya nga karawaton an toka nga magtukod han templo? Magigin ulang ba an iya pagin batan-on ngan kakulang hin eksperyensya? Basi maglampos, kinahanglan ni Solomon magin maisugon ngan buhaton an buruhaton.
3. Ano an posible nga hinbaroan ni Solomon tikang ha iya tatay mahitungod ha kaisog?
3 Posible nga damu an hinbaroan ni Solomon tikang mismo ha iya tatay 1 Sam. 17:34, 35) Iginpakita niya an iya daku nga kaisog han nakig-away hiya ha higante ngan eksperyensyado nga sundalo. Oo, ha bulig han Dios ngan pinaagi han usa nga mahamis nga bato, napirde ni David hi Goliat.—1 Sam. 17:45, 49, 50.
mahitungod ha kaisog. Han bata pa hi David, nakig-away hiya ha ihalas nga mga hayop nga naatake ha kakarnerohan han iya tatay. (4. Kay ano nga kinahanglan magin maisugon hi Solomon?
4 Angayan gud la nga ha urhi gindasig ni David hi Solomon nga magin maisugon ngan magtukod han templo! (Basaha an 1 Kronikas 28:20.) Kon waray magin maisugon hi Solomon, bangin napugngan hiya tungod han kahadlok, ngan posible gud nga waray hiya maglampos ha iya buruhaton.
5. Kay ano nga kinahanglan kita magin maisugon?
5 Pariho kan Solomon, kinahanglan naton an bulig ni Jehova basi magin maisugon ngan maglampos ha buruhaton. Basi mahimo ito, makakabulig ha aton an pagpamalandong ha pipira nga ehemplo han katawohan han Dios hadto nga nagin maisugon. Ngan mahimo naton hunahunaon kon paonan-o kita magigin maisugon ngan maglalampos ha aton buruhaton.
MGA EHEMPLO HAN PAGIN MAISUGON
6. Kay ano nga napaparig-on ka han kaisog ni Jose?
6 Tagda an kaisog nga iginpakita ni Jose han ginsulay hiya han asawa ni Potipar nga magbuhat hin imoral. Maaram gud hiya nga puydi hiya mameligro kon diri niya buhaton an karuyag han asawa ni Potipar. Bisan pa hito, waray hiya magpadara ha pagsulay; lugod, nagin maisugon hiya ngan ginios dayon.—Gen. 39:10, 12.
7. Ihulagway an kaisog nga iginpakita ni Rahab. (Kitaa an retrato ha tinikangan hini nga artikulo.)
7 Hi Rahab ehemplo liwat han pagin maisugon. Han kinadto ha iya balay ha Jerico an Israelita nga mga espiya, puydi unta hiya madaog han kahadlok ngan magdumiri pagbulig ha ira. Pero tungod kay nasarig hiya kan Jehova, maisugon nga gintago niya an duha nga espiya ngan ginbuligan hira nga talwas nga makapalagiw. (Jos. 2:4, 5, 9, 12-16) Ginkilala ni Rahab nga hi Jehova an tinuod nga Dios, ngan nasarig hiya nga anoman an mahitabo, ihahatag han Dios an tuna ha mga Israelita. Waray niya tuguti an kahadlok ha mga tawo, bisan ha hadi han Jerico ngan han iya ginsugo nga kalalakin-an, nga makapugong ha iya ha pagbuhat han husto. Lugod, maisugon hiya nga ginios nga tungod hito natalwas hiya ngan an iya pamilya.—Jos. 6:22, 23.
8. Ano an epekto ha mga apostol han pagin maisugon ni Jesus?
8 An matinumanon nga mga apostol ni Jesus nagpakita hin susbaranan ha pagin maisugon. Nakita nira an pagin maisugon ni Jesus. (Mat. 8:28-32; Juan 2:13-17; 18:3-5) An iya susbaranan nakabulig ha ira nga magin maisugon. Han ginkontra hira han mga Saduseo, waray hira umundang ha pagtutdo ha ngaran ni Jesus.—Buh. 5:17, 18, 27-29.
9. Paonan-o an 2 Timoteo 1:7 nabulig ha aton nga hibaroan kon diin gud nagtitikang an aton kaisog?
9 Hira Jose, Rahab, Jesus, ngan an mga apostol nagpakita hin kaisog, ngan ito an nagpagios ha ira nga magbuhat hin maopay. An ira kaisog diri nagpapasabot hin sobra nga kompyansa ha kalugaringon. Nagkaada hira hito tungod han ira pagsarig kan Jehova. Naatubang liwat kita hin mga kahimtang nga nagkikinahanglan hin kaisog. Imbes nga sumarig ha aton kalugaringon, kinahanglan naton sumarig kan Jehova. (Basaha an 2 Timoteo 1:7.) Tagdon naton an duha nga bahin han aton kinabuhi diin nagkikinahanglan kita hin kaisog: ha pamilya ngan ha kongregasyon.
MGA KAHIMTANG NGA NAGKIKINAHANGLAN HIN KAISOG
10. Kay ano nga nagkikinahanglan hin kaisog an Kristiano nga mga batan-on?
10 An Kristiano nga mga batan-on naatubang hin damu nga sitwasyon diin nagkikinahanglan hira hin kaisog ha pag-alagad kan Jehova. May mahibabaroan hira ha ehemplo ni Solomon nga nagpakita hin kaisog ha paghimo hin maaramon nga mga desisyon basi matapos an pagtukod han templo, ngan mahimo nira hiya masubad. Bisan kon an Kristiano nga mga batan-on mahimo ngan sadang giyahan han ira mga kag-anak, hira mismo may importante nga mga desisyon nga kinahanglan himoon. (Prob. 27:11) An ira paghimo hin maaramon nga desisyon may kalabotan ha mag-opay nga kaupod, kaliawan, kalimpyo ha moral, ngan bawtismo nagkikinahanglan hin kaisog. Kay ano? Kay ginkukontra hini nga mga batan-on an kaburut-on ni Satanas, an usa nga nagtatamay ha Dios.
11, 12. (a) Paonan-o hi Moises nagpakita hin susbaranan ha pagin maisugon? (b) Paonan-o masusubad han mga batan-on an ehemplo ni Moises?
11 Usa han importante nga desisyon nga kinahanglan himoon han mga batan-on nag-uupod han ira mga tumong. Ha pipira nga nasud, an mga batan-on gin-aaghat gud nga magpokus ha hitaas nga edukasyon ngan ha pagkaada trabaho nga daku an sweldo. Ha iba nga nasud, an makuri nga panginabuhi bangin mag-aghat ha mga batan-on nga magpokus ha pagbulig ha pagtagana han materyal nga panginahanglan han ira pamilya. Kon naatubang ka ha anoman hito nga kahimtang, tagda an ehemplo ni Moises. Tungod kay ginpadaku hi Moises han anak nga babaye han Paraon, puydi unta niya himoon nga tumong an pagin sikat o pagin riko. Sigurado nga an iya Ehiptohanon nga pamilya, magturutdo, ngan magsaragdon nagkinombinse gud ha iya nga kab-uton ito! Imbes nga magpadara, maisugon nga nagdesisyon hi Moises nga pilion an putli nga pagsingba. Han ginbayaan ni Moises an mga karikohan ha Ehipto, sinarig hiya kan Jehova. (Heb. 11:24-26) Salit ginbendisyonan gud hiya ni Jehova, ngan sigurado nga damu pa an iya makakarawat nga bendisyon ha tidaraon.
12 Sugad man, bibendisyonan ni Jehova an mga batan-on nga maisugon nga naghihimo hin espirituwal nga mga tumong ngan nangangalimbasog nga unahon ha ira kinabuhi an mga buruhaton han Ginhadian. Bubuligan niya hira ha pagtagana han mga panginahanglan han ira pamilya. Han siyahan nga siglo, an batan-on nga hi Timoteo nagpokus ha espirituwal nga mga tumong, ngan mahihimo mo liwat ito. *—Basaha an Filipos 2:19-22.
Determinado ka ba nga magin maisugon ha ngatanan nga bahin han imo kinabuhi? (Kitaa an parapo 13-17)
13. Paonan-o an kaisog nakabulig ha batan-on nga sister nga makab-ot an iya mga tumong?
13 Usa nga sister nga taga-Alabama, E.U.A., an nagkinahanglan hin kaisog ha paghimo hin espirituwal nga mga tumong. Hiya nagsurat: “Tikang ha kabata, awdanon gud ako. Haros diri ako makiistorya ha mga tawo ha Kingdom Hall, labi na kon nabisita ha mga diri ko kakilala.” Pero ha bulig han iya mga kag-anak ngan han kabugtoan ha kongregasyon, nakab-ot hini nga batan-on an iya tumong nga magregular payunir. Hiya nagsiring: “Igin-aaghat han kalibotan ni Satanas nga maopay nga tumong an pagkab-ot hin hitaas nga edukasyon, pagin sikat, ngan pagkaada damu nga kwarta ngan materyal nga mga butang. Kasagaran na nga imposible ito makab-ot ngan nagriresulta la hin istres ngan kasakit. Pero an pag-alagad kan Jehova naghahatag ha akon hin daku gud nga kalipay ngan inaabat ko nga malampuson ako.”
14. Ano an pipira nga kahimtang nga nagkikinahanglan hin kaisog an Kristiano nga mga kag-anak?
14 An Kristiano nga mga kag-anak nagkikinahanglan liwat hin kaisog. Pananglitan, bangin pirme ka ginsisidngan han imo agaron nga mag-obertaym ha mga gab-i pati na han Sabado ngan Domingo—mga panahon nga imo gin-gahin para ha pagsingba han pamilya, pagsangyaw, ngan pagtambong ha mga katirok. Nagkikinahanglan hin kaisog an pagbaribad ha imo agaron ngan an pagpakita hin maopay nga susbaranan ha imo mga anak. O bangin may mga kag-anak ha kongregasyon nga nagtutugot ha ira mga anak nga buhaton adton diri mo karuyag buhaton han imo anak. Bangin pakianhan ka hito nga mga kag-anak kon kay ano nga diri naapi an imo anak ha sugad nga mga buruhaton. Magigin maisugon ka ba ngan magigin mataktika ha pagsaysay kon kay ano nga ito an imo desisyon?
15. Paonan-o an Salmos 37:25 ngan Hebreo 13:5 nabulig ha mga kag-anak?
15 Iginpapakita naton an kaisog kon ginbubuligan naton an aton mga anak nga maghimo ngan magkab-ot hin espirituwal nga mga tumong. Pananglitan, an pipira nga kag-anak bangin mag-alang ha pagdasig ha ira anak nga himoon nga tumong an pagpayunir, pag-alagad ha lugar nga mas daku an Salmos 37:25; Hebreo 13:5.) Dugang pa, maipapakita mo an kaisog ngan pagsarig kan Jehova pinaagi ha pagbulig ha imo anak nga buhaton liwat ito.—1 Sam. 1:27, 28; 2 Tim. 3:14, 15.
panginahanglan, pag-alagad ha Bethel, o pagboluntaryo ha teokratiko nga mga proyekto han pagpanukod. Bangin nahahadlok hira nga diri hira maataman han ira anak kon malagas na hira. Pero an maaramon nga mga kag-anak nagpapakita hin kaisog ngan natoo ha mga saad ni Jehova. (Basaha an16. Paonan-o ginbuligan han pipira nga kag-anak an ira mga anak nga maghimo hin espirituwal nga mga tumong, ngan ano an kapulsanan hito?
16 Ginbuligan han usa nga mag-asawa nga taga-Estados Unidos an ira mga anak nga maghimo hin espirituwal nga mga tumong. An bana nagsaysay: “Antes pa mahibaro pagyakan ngan paglakat an amon mga anak, gin-iistoryahan na namon hira han kalipay han pagpayunir ngan pag-alagad ha kongregasyon. Yana ito na an ira tumong. An pagkaada espirituwal nga mga tumong ngan pagkab-ot hito nabulig ha amon mga anak nga maatohan an mga pagsulay hini nga sistema ni Satanas ngan magpokus ha kon ano an pinakaimportante—hi Jehova.” Usa nga brother nga may duha nga anak an nagsurat: “Damu nga kag-anak an nangangalimbasog nga gamiton an ira kusog ngan mga panag-iya basi buligan an ira mga anak nga makab-ot an mga tumong nga may kalabotan ha isport, hilangkagan, ngan edukasyon. Mas maaramon gud nga gamiton an aton kusog ngan mga panag-iya ha pagbulig ha aton mga anak nga magkab-ot hin mga tumong nga mabulig ha ira nga matipigan an maopay nga relasyon kan Jehova. Makalilipay gud nga makita nga an amon mga anak nagkakab-ot hin espirituwal nga mga tumong ngan baga hin kaupod liwat nira kami ha pagbuhat hito.” Makakasiguro ka nga bibendisyonan han Dios an mga kag-anak nga nabulig ha ira mga anak ha paghimo ngan pagkab-ot hin espirituwal nga mga tumong.
KAISOG HA SULOD HAN KONGREGASYON
17. Paghatag hin mga ehemplo kon ha ano nga mga kahimtang ginkikinahanglan an kaisog ha sulod han Kristiano nga kongregasyon.
17 Kinahanglan liwat naton magpakita hin kaisog ha sulod han kongregasyon. Pananglitan, an mga tigurang nagkikinahanglan hin kaisog kon nag-aasikaso hin hudisyal nga mga kaso o kon nabulig ha mga indibiduwal nga nanginginahanglan hin emergency nga pagtambal. An pipira nga tigurang nabisita ha mga prisohan basi atamanon an espirituwal nga mga panginahanglan han mga priso. Kumusta man an
solo nga mga sister? Damu na yana an ira higayon nga pauswagon an ira pag-alagad pinaagi ha pagpayunir, pag-alagad ha lugar nga mas daku an panginahanglan, pagboluntaryo ha mga proyekto han Local Design/Construction, ngan pag-eskwela ha School for Kingdom Evangelizers. Gin-iimbitar pa ngani an pipira nga umiskwela ha Gilead School.18. Paonan-o mahimo maipakita han edaran nga mga sister an kaisog?
18 An edaran nga mga sister bendisyon ha kongregasyon. Hinigugma gud naton hira! An pipira ha ira bangin diri na nakakahimo pariho han ira nahihimo hadto, pero puydi pa gihapon hira magpakita hin kaisog ngan magbuhat han buruhaton. (Basaha an Tito 2:3-5.) Pananglitan, an usa nga edaran nga sister nagkikinahanglan hin kaisog kon ginhahangyo hiya han mga tigurang nga kaistoryahon an usa nga batan-on nga sister mahitungod han desente nga pamado. Diri niya iisgan an batan-on mahitungod han iya pamado, pero may pagkabuotan nga aaghaton niya an batan-on nga hunahunaon kon paonan-o an iya pamado mahimo makaapekto ha iba. (1 Tim. 2:9, 10) An sugad nga mahigugmaon nga pagtagad mahimo magkaada maopay nga epekto.
19. (a) Paonan-o mahimo magin maisugon an bawtismado nga mga brother? (b) Paonan-o an Filipos 2:13 ngan 4:13 nabulig ha mga brother nga magkaada kaisog?
19 An bawtismado nga mga brother sadang liwat magin maisugon ngan magbuhat han buruhaton. Bendisyon ha kongregasyon an maisugon nga kalalakin-an nga andam kumarawat hin dugang nga responsabilidad. (1 Tim. 3:1) Pero an pipira bangin nag-aalang ha pagbuhat hito. Bangin an usa nga brother nakabuhat hin mga sayop hadto, ngan yana inaabat niya nga diri hiya takos magin ministeryal nga surugoon o tigurang. Bangin inaabat liwat han usa nga brother nga diri niya kaya tumanon an usa nga toka. Kon ito an imo inaabat, mabubuligan ka ni Jehova nga magkaada kaisog. (Basaha an Filipos 2:13; 4:13.) Hinumdumi nga makausa, inabat hi Moises nga diri hiya kwalipikado para ha usa nga toka. (Eks. 3:11) Pero ginbuligan hiya ni Jehova, ngan ha urhi, nagkaada hiya kaisog ha pagtuman han buruhaton. Mahimo magkaada sugad nga kaisog an usa nga bawtismado nga brother pinaagi ha sinsero nga pag-ampo para han bulig han Dios ngan ha pagbasa han Biblia kada adlaw. Makakabulig liwat an pagpamalandong ha mga ehemplo han mga tawohan ha Biblia nga nagpakita hin kaisog. Mahimo hiya maghangyo ha mga tigurang ha mapainubsanon nga paagi nga bansayon hiya ngan mahimo niya ipakita nga andam hiya pagbulig ha kongregasyon ha anoman nga paagi. Gin-aaghat namon an ngatanan nga bawtismado nga brother nga magin maisugon ngan magin maduruto ha pagbuhat han mga buruhaton ha kongregasyon!
“HI JEHOVA . . . MAUPUD HA IMO”
20, 21. (a) Ano an iginpasarig ni David kan Solomon? (b) Ha ano kita makakasarig?
20 Ginpahinumdoman ni Hadi David hi Solomon nga maupod ha iya hi Jehova tubtob nga matapos an pagtukod han templo. (1 Kron. 28:20) Tungod kay naipasilsil ha hunahuna ngan kasingkasing ni Solomon an ginsiring han iya tatay, waray niya tuguti an iya pagkabatan-on ngan kakulang hin eksperyensya nga magin ulang. Nagpakita hiya hin daku nga kaisog, ginbuhat an iya buruhaton, ngan ha bulig ni Jehova natapos niya an matahom gud nga templo ha sulod hin pito ngan tunga ka tuig.
21 Sugad la nga ginbuligan ni Jehova hi Solomon, mabubuligan liwat kita Niya nga magin maisugon ngan matuman an aton buruhaton, ha aton pamilya ngan ha kongregasyon. (Isa. 41:10, 13) Kon magpapakita kita hin kaisog ha aton pagsingba kan Jehova, makakasarig kita nga bibendisyonan kita niya yana ngan ha tidaraon. Salit magmaisugon ngan buhata an buruhaton.
^ par. 12 Mababasa mo an pipira nga praktikal nga pitad kon paonan-o maghihimo hin espirituwal nga mga tumong ha artikulo nga “Gamita an Espirituwal nga mga Tumong ha Paghimaya ha Imo Maglalarang,” nga iginpublikar ha An Barantayan, Hulyo 15, 2004.