An mga kag-anak may daku nga responsabilidad ha pagtutdo ha ira mga anak parte kan Jehova. (Efe. 6:4) Basi mabuligan an mga kag-anak, an organisasyon ni Jehova nagpublikar hin damu nga artikulo, video, ngan kanta. Paonan-o mo ito magagamit ha pagtutdo ha imo mga anak?

• Pamiling hin mga materyal. An JW.ORG may-ada mga materyal nga iginpublikar para ha mga batan-on, upod na hito an mga video ngan mga artikulo nga puydi basahon. a Para mabilngan ini, ig-type an “Kabataan” o “Tin-edyer” ha search bar.

• Pilia an angayan nga materyal para ha imo anak. Ha seksyon nga “Kabataan,” puydi ka makapili hin mga video, kanta, ngan mga artikulo nga makakabulig ha imo anak.

• Paggahin hin panahon kaupod an imo anak. Likyi an paggamit han aton mga video o iba pa nga publikasyon basi la hira malibang. Lugod, hisguti ito kaupod han imo anak ngan buligi hiya nga magkaada duok nga relasyon kan Jehova.