Damu an aton nababatian mahitungod ha kon ano an nagigin problema han mga pamilya nga waray maglampos. Kondi ano an sekreto han mga pamilya nga naglampos?

• Tikang han 1990 tubtob 2015 ha Estados Unidos, an kadamu han mga nagdiborsyo nga nag-iedad hin sobra 50 anyos nagdoble, ngan an sobra 65 anyos nagtriple.

• Nawuwurok an mga kag-anak tungod kay may mga eksperto nga nag-aaghat nga pirme dayawon han mga kag-anak an ira mga anak, samtang iginrirekomendar han iba nga magin istrikto hira ha pagpakita hin gugma.

• An mga batan-on nasulod ha pagkaadulto nga waray mga abilidad nga ginkikinahanglan basi maglampos.

Bisan pa hito, ha pagkamatuod . . .

• An pag-asawa mahimo magin makalilipay ngan permanente nga bugkos.

• An mga kag-anak mahimo mahibaro ha pagdisiplina ha ira mga anak nga may kaupod nga gugma.

• An mga kabataan mahimo magkaada mga abilidad nga ira pagkikinahanglanon ha ira pagdaku.

Paonan-o? Ginhihisgotan hini nga gowa han Pagpamata! an 12 nga sekreto han malampuson nga pamilya.