An Gimaopayi nga Klase han Gugma

HA kadam-an nga mga higayon ha Kristiano Griego nga Kasuratan, o Bag-o nga Testamento, an pulong nga “gugma” amo an hubad han Griego nga pulong nga a·gaʹpe.

Ha pagsaysay han kahulogan hito nga termino, an reperensya nga Insight on the Scriptures a nasiring: “[An a·gaʹpe] diri ginpapagios han emosyon, nga iginbasar ha personal nga pagkaduok la, sugad han kasagaran nga ginhuhunahuna han mga tawo, kondi gugma ito ha moral o ha mga tawo nga iginbasar ha tinuyo nga pag-uyon han kaburut-on nga ginpagios han prinsipyo, obligasyon, ngan pamatasan, sinsero nga ginbibiling an makakaopay ha iba sumala ha kon ano an husto. An a·gaʹpe (gugma) nagpapahinabo nga malamposan han usa an mga kapungot, diri gud tinutugotan an mga kapungot nga magpagios ha usa nga talikdan an husto nga mga prinsipyo ngan bumulos tungod han pariho nga kapungot.”

An a·gaʹpe mahimo liwat mag-upod han hilarom nga pagbati. “Magkaada duro nga gugma [a·gaʹpe] ha usa kag usa,” nagsagdon hi apostol Pedro. (1 Pedro 4:8, NW) Salit, masisiring nga an a·gaʹpe nag-uupod han kasingkasing, diri la han hunahuna. Kay ano nga diri tagdon an pipira nga mga teksto nga nagpapakita han gahum ngan kahaluag hinin maopay nga klase han gugma? An masunod nga mga reperensya mahimo makabulig: Mateo 5:43-47; Juan 15:12, 13; Roma 13:8-10; Efeso 5:2, 25, 28; 1 Juan 3:15-18; 4:16-21.

[Footnote]