New Year’s Tree—Ruso nga Tradisyon? Kristiano nga Tradisyon?

“HA TINIKANGAN han dekada han 1830, an evergreen nga kahoy gintatagad pa gihapon sugad nga ‘makaruruyag nga Aleman nga ideya.’ Ha kataposan hito nga dekada, ‘nagin kustomre’ na nga may-ada hito ha mga balay han riko ngan maimpluwensya nga mga tawo ha St. Petersburg. . . . Mga klero ngan mga kablasanon la an waray sumunod ha kustomre nga magkaada hin evergreen nga kahoy ha ira mga balay han ika-19 ka siglo. . . .

“Antes han ika-19 ka siglo, an kahoy . . . diri gud naruruyagan. Tungod kay gintatagad ito sugad nga simbolo han kamatayon ngan may kalabotan ito ha mitolohiya sumala ha Ruso nga tradisyon, sugad man an tradisyon ha pagbutang han kahoy ha atop han mga taberna, diri nauyon ha mga pagbag-o han mga disposisyon nga nahitabo ha kabutngaan han ika-19 ka siglo. . . . Bug-os nga nasasabtan nga dida ha proseso han pagkarawat, an langyaw nga tradisyon magkakaada pariho nga kahulogan ha Christmas tree ha Weste, nga may kalabotan ito ha tema han Pasko. . . .

“An proseso han paghimo hito nga kahoy sugad nga Kristiano nga simbolo nagkaada mga problema ha Russia. Ginkontra ito han Ortodokso nga Iglesia. Nakita han mga klero ha bag-o nga selebrasyon an ‘yawan-on nga buhat,’ usa nga pagano nga tradisyon, nga waray kalabotan ha katawo han Manluluwas, ngan dugang pa, usa ito nga tradisyon tikang ha Weste”—Propesor Yelena V. Dushechkina, doktor ha mga syensya han pilolohika ha St. Petersburg State University.

[Ginkuhaan han Retrato ha pahina 32]

Retrato: Nikolai Rakhmanov