“Maaram Ka ba han Ngaran han Dios?”

ITO nga pakiana nakadani han interes han usa nga babaye ha sur-weste nga bahin han Sentral nga Asia. Mababasa ito ha kobre han Enero 22, 2004 nga gowa han Awake!, an magasin nga kaupod hini. Ini nga babaye nagsurat ha mga nagpublikar: “Nadani ako dayon ha iyo magasin, ngan nakabulig ito ha akon nga isentro an akon atensyon ha mga prinsipyo ha moral. Nagigin mas positibo na yana an akon panlantaw ha kinabuhi. Iginsusumat ko ha ngatanan an mahitungod han aton Dios ngan han kamurayawan nga resulta hini nga kahibaro.”

Ha damu nga lugar, ha pagkamatuod, “ha sidsid gud han kalibotan,” nakikilala na han mga tawo an ngaran han Dios, nga Jehova. (Buhat 1:8) Pananglitan, an Yehowa, nga amo an pagkahubad hini ha Turkmen nga yinaknan, damu ka beses nga mababasa ha Turkmen nga hubad han Baraan nga Kasuratan. Ha Salmo 8:1 ini an mababasa: “Jehova nga amon Ginoo, pagkaharangdon han imo ngaran ha bug-os nga tuna!”

Basi hibaroan an dugang pa mahitungod kan Jehova nga Dios, mahimo ka maghangyo hin kopya han libro nga Ano Gud ba an Igintututdo han Biblia? ha usa han mga Saksi ni Jehova.