Importante nga mga Leksyon Para ha Kabataan

HI Gladys nagtatrabaho ha usa nga eskwelahan ha Mendoza, Argentina. Usa ka adlaw linabay hiya ha usa nga classroom ngan nakita niya nga ginbabasa han maestra an libro nga My Book of Bible Stories a ha iya mga estudyante ha ikaupat nga grado. Nagpakilala hi Gladys ha maestra nga usa hiya han mga Saksi ni Jehova ngan nagtanyag nga ipakita ha iya kon paonan-o magpapahimulos hinduro ha libro. Naruyagan han maestra an iginsaysay ha iya ni Gladys, salit karuyag niya nga magin regular nga bahin han kurikulum an libro. Kondi, kinahanglan niya an permiso han administrasyon han eskwelahan. Nalipay hiya nga gintugotan hiya.

Ha urhi, ha usa-ka-adlaw nga programa ha eskwelahan diin igin-aaghat an pagbasa hin libro, igintoka han maestra ha iya mga estudyante nga basahon an usa nga kapitulo han libro ha atubangan han ira mga kaeskwela. Maopay an nagin reaksyon ngada hini nga programa, salit gin-imbitar an maestra nga magin bisita ha programa han usa nga lokal nga estasyon han telebisyon. Han gin-unabi an paggawi han mga estudyante, an host han programa nagpakiana ha iya, “Paonan-o mo nabubuligan an kabataan ha imo klase nga gumawi hin maopay?” Iginsaysay han maestra nga ginagamit niya an libro nga My Book of Bible Stories. Siring niya nga bisan kon diri hiya nagtututdo hin relihiyon ha iya klase, pinaagi hini nga libro, iginpapasilsil niya an mga prinsipyo ha moral sugad han pagtahod, pagin pasensyoso, pagkaurosa, kooperasyon, pagkamasinugtanon, ngan gugma. Inuyon an ngatanan nga importante ini nga mga leksyon nga kinahanglan hibaroan han kabataan.

Karuyag mo ba ipasilsil an sugad nga mga prinsipyo ha imo mga anak? Mahimo ka maghangyo ha mga Saksi ni Jehova hin usa nga kopya han makaruruyag nga libro nga My Book of Bible Stories.

[Footnote]