Pag-alagad ha Dios nga ‘Urosa an Kasingkasing’

AN MGA Judio ngan nakombirte nagtirirok ha palibot han mga disipulo ni Jesu-Kristo. Pyesta han Pentekostes hadto, ngan ini nga mga bisita kinadto ha Jerusalem tikang ha higrayo nga lugar sugad han Roma ha weste ngan Parto ha este. Iba-iba nga yinaknan an hibabatian dida hinin damu nga katawohan. Kondi, taga-Galilea an mga disipulo ni Jesus nga nakikiistorya ha ira. An iba han nanhipausa nga bisita nagpakiana: “Kay ano nga pinanhihibatian ta, nga an tagsa-tagsa nagyayakan han aton yinaknan nga natawohan?”—Buh. 2:8.

Tinukdaw hi apostol Pedro ngan iginsaysay an hinungdan han milagro nga ira nakikita.  Ginkarawat dayon nira an mensahe salit yinukot an nabawtismohan! (Buh. 2:41) Bisan kon madagmit an pag-uswag han kongregasyon, nagpabilin ito nga nagkakaurosa. “An kadam-an han mga nagtotoo uusa la an ira mga kasingkasing, ngan an ira kalag,” siring han parasurat han Biblia nga hi Lukas.—Buh. 4:32.

Yinukot han nabawtismohan han Pentekostes 33 K.P. an naruyag magpabilin anay ha Jerusalem basi mahibaro pa mahitungod han ira bag-o nga pagtoo. Kondi, diri hira andam nga magpabilin hin sugad kaiha. Salit, temporaryo nga nangolekta hin kwarta. Boluntaryo nga iginbaligya han pipira nga tumuroo an ira mga panag-iya ngan gindara an kwarta ha mga apostol basi ipanhatag ha nanginginahanglan. (Buh. 2:42-47) Nagpakita gud hira hin gugma ngan pagkamahinatagon!

An tinuod nga mga Kristiano nagpapakita pirme hin sugad nga gugma ngan pagkamahinatagon. Yana, an Kristiano nga kongregasyon padayon nga nagkakaurosa ha pag-alagad kan Jehova nga may-ada ‘uusa la nga kasingkasing ngan kalag.’ An tagsa nga Kristiano kinaburut-on nga naghahatag han ira panahon, kusog, ngan kwarta para ha pagsangyaw han maopay nga sumat ngan pagsuporta ha buruhaton han Ginhadian han Dios.—Kitaa an kahon nga “Mga Paagi han Paghatag nga Ginpipili han Iba.”

[Kahon ha pahina 6, 7]

MGA PAAGI HAN PAGHATAG NGA GINPIPILI HAN IBA

MGA AMOT PARA HA BUG-OS-KALIBOTAN NGA BURUHATON

Damu an nagtitirok hin kantidad nga ira iginbubutang ha mga kahon para han donasyon nga minarkahan hin “Worldwide Work.”

Kada bulan, ini nga kantidad iginpapadara han mga kongregasyon ha opisina han mga Saksi ni Jehova nga nagsiserbi ha ira mga nasud. An mga donasyon nga kwarta mahimo liwat direkta nga ipadara ha Watch Tower Bible and Tract Society of the Philippines, Inc., P.O. Box 2044, 1060 Manila, o ha sanga nga opisina nga nagsiserbi ha iyo nasud. An mga tseke nga iginpapadara ha adres ha igbaw sadang igngaran ha “Watch Tower Society.” Mahimo liwat magdonar hin alahas o iba pa nga birilhon nga mga butang. Ini nga mga donasyon sadang updan hin halipot nga surat nga nagsusumat nga regalo ito.

KAHIKAYAN HAN IGINTAPOD NGAN MAY-KONDISYON NGA DONASYON

An kwarta mahimo itapod ha Watch Tower Society basi magamit ha bug-os-kalibotan nga buruhaton. Kondi, kon hahangyoon ito han nagpahuram, ibabalik ito ha iya. Para ha dugang nga impormasyon, alayon pagsurat ha Treasurer’s Office ha adres nga gin-unabi na.

GINPLANO NGA PAGHATAG

Dugang pa ha mga regalo nga kwarta, may-ada iba pa nga paagi han paghatag basi magamit ha buruhaton ha Ginhadian ha bug-os nga kalibotan. Nag-uupod ini han:

Insurance: An Watch Tower Society mahimo himoon nga beneficiary han palisiya han life insurance o han plano para ha pagretiro/pensyon.

Mga Deposito ha Bangko: An mga deposito ha bangko, sertipiko han deposito, o mga deposito nga nakaandam para ha pagretiro han indibiduwal mahimo igngaran o ihatag ha Watch Tower Society kon mamatay an nagdonar, uyon ha lokal nga mga kahikayan han bangko.

Kapital ha Negosyo Ngan mga Bono: An mga kapital ha negosyo ngan mga bono mahimo igdonar ha Watch Tower Society sugad nga regalo.

Tuna Ngan Balay: An maibabaligya nga tuna ngan balay mahimo igdonar pinaagi han pagregalo hito o, kon residensya nga panag-iya, pinaagi han pagreserba hin balay ngan tuna ha nagdonar, basi makapadayon ha pag-ukoy dida samtang buhi pa hiya. Pahibaroa an sanga nga opisina ha iyo nasud antes himoon an dokumento han pagbalhin han bisan ano nga tuna ngan balay.

Gift Annuity: An gift annuity usa nga kahikayan ha pagbalhin hin kwarta o mga deposito han usa ngadto ha ginpili nga korporasyon nga ginagamit han mga Saksi ni Jehova. Sugad nga kabalyo, an naghatag, o an usa nga ginpili han naghatag, makarawat hin espisipiko nga kwarta kada tuig samtang buhi hiya. Iibanan an kabaraydan nga buhis han naghatag para ha tuig diin iya gintikangan an gift annuity.

Mga Testamento Ngan mga Igintatapod: An mga panag-iya o kwarta mahimo ihatag ha Watch Tower Society pinaagi han testamento nga legal nga ginhimo, o an Watch Tower Society mahimo magin beneficiary han usa nga kasabotan ha pagtapod. Mahimo maibanan an kabaraydan ha buhis kon an igintapod napapahimulosan han usa nga organisasyon ha relihiyon.

Sugad han iginpapasabot han termino nga “ginplano nga paghatag,” ini nga mga klase hin donasyon kasagaran nga nagkikinahanglan hin pagplano han nahatag. Basi mabuligan an mga naghihingyap nga makabulig ha bug-os-kalibotan nga buruhaton han mga Saksi ni Jehova pinaagi han usa nga klase han ginplano nga paghatag, igin-andam an brosyur ha Ingles ngan Espanyol nga may ulohan nga Charitable Planning to Benefit Kingdom Service Worldwide. An brosyur naghahatag hin impormasyon mahitungod han magkalain-lain nga paagi ha paghatag hin mga donasyon yana o paghatag sugad nga panurundon kon mamatay an nagdonar. Katapos mabasa an brosyur ngan magpakiana ha ira mga magsaragdon ha balaud o ha buhis, damu an nakabulig ha pagsuporta ha mga Saksi ni Jehova ha bug-os nga kalibotan para ha ira relihiyoso nga mga buruhaton ngan pagbulig ha iba, ngan nakakapahimulos hin daku ha ira buhis samtang binubuhat ito. Mahimo ka maghangyo hin kopya hini nga brosyur ha Charitable Planning Office.

Para han dugang nga impormasyon, mahimo ka tumawag o magsurat ha Charitable Planning Office ha adres nga nakalista ha ubos, o makigkomunikar ha opisina han mga Saksi ni Jehova nga nagsiserbi ha iyo nasud.

Charitable Planning Office

Watch Tower Bible and Tract Society of the Philippines, Inc.

186 Roosevelt Avenue,

San Francisco del Monte

1105 Quezon City

Telepono: (02) 411-6090