An bibliomancy amo an panapang nga pag-abri han Biblia ha pagtoo nga an siyahan nga teksto nga makikita maghahatag han ginkikinahanglan nga bulig. An tinuod nga mga Kristiano diri nagamit hin madyik. Lugod, nag-aaram hira han Biblia basi magkaada husto nga kahibaro ngan giya han Dios.—12/15, pahina 3.

“An kalibotan” nga mawawara amo an ngatanan nga katawohan ha kalibotan nga nagkikinabuhi supak ha kaburut-on han Dios. (1 Juan 2:17) An tuna ngan an magtinumanon nga katawohan maluluwas.—1/1, pahina 5-7.

Ginbubuhat niya ito pinaagi han pagtoo. Mahibabaro kita hin leksyon hito ngan mahimo naton subaron an iya pagtoo. An iya susbaranan buhi pa gihapon.—1/1, pahina 12.

An pipira amo ini: an aton trabaho o propesyon, an pagpahalibway ngan kaliawan nga aton ginpipili, an aton pakig-upod ha paryente nga ginpaiwas ha kongregasyon, an aton paggamit han moderno nga teknolohiya, an kabaraka ha aton kahimsog, an sayop nga panhunahuna ha kwarta, ngan an sobra nga pagpabili ha aton kalugaringon nga mga ideya o posisyon.—1/15, pahina 12-21.

Bisan kon hi Moises may awtoridad, waray hiya magpahitaas; sinarig hiya ha Dios, diri ha iya kalugaringon. Diri gud naton karuyag nga an gahum, awtoridad, o abilidad magin hinungdan nga magpahitaas kita; lugod, karuyag naton sumarig kan Jehova. (Prob. 3:5, 6)—2/1-E, pahina 5.

An limitado nga kadamu nga 144,000 maukoy ha langit. Kondi kadam-an han babanhawon an mabubuhi ha tuna nga may paglaom nga mabuhi dinhi ha waray kataposan.—3/1-E, pahina 6.

Matig-a an ira kasingkasing ngan rebelyoso hira, ngan kinahanglan kuhaon an hinungdan nga nagin matig-a an ira kasingkasing—an ira mga panhunahuna, hingyap, o motibo nga nakontra ha mga sugo han Dios. (Jer. 5:23, 24)—3/15, pahina 9-10.

May katuyoan an iya kinabuhi—an pagbuhat han kaburut-on han Dios. Hinigugma gud niya an iya Amay, ngan hinigugma niya an mga tawo. Salit, maaram hi Jesus nga ginhihigugma ngan gin-uuyonan hiya han iya Amay. Ito an mga paagi ha pagkaada mapulsanon nga kinabuhi.—4/1-E, pahina 4-5.

Upod hito an nagmamando nga Lawas, mga komite han sanga, mga nagbibiyahe nga paramangno, mga lawas han mga tigurang, mga kongregasyon, ngan an tagsa nga Saksi.—4/15, pahina 29.

Hi Jehova diri nalilipay ha kamatayon han maraot. (Esek. 33:11) An iya mga ginbuhat ha naglabay nagpapakita nga mahigugmaon nga ginpapahamangnoan niya an mga tawo antes ipadapat an paghukom. Naghahatag ini ha aton hin paglaom nga makatalwas ha tiarabot nga mga paghukom.—5/1-E, pahina 5-.

Waray. Ginhimo ito han iba nga mga nasud ha kadaan nga panahon kondi waray ito himoa han mga Israelita. Ha panahon han Hebreo nga Kasuratan, an mga magburuhat hin maraot ginpapatay anay pinaagi ha pagbato. (Leb. 20:2, 27) Katapos, an patay nga lawas mahimo ibitay ha kahoy sugad nga pahamangno ha iba.—5/15, pahina 13.

Bisan kon damu na gud an nahimo han mga tawo, waray hira abilidad ha paggiya han ira kalugaringon nga mga pitad. (Jer. 10:23) Hi Satanas an nagkukontrol han kalibotan, salit diri mapapahinabo han mga tawo nga magkaada kamurayawan. (1 Juan 5:19)—6/1-E, pahina 16.