KON ikompara ha makaruruyag nga puno han sedro han Lebanon, an baliko ngan damu an buko nga puno han olibo bangin diri maopay pagkit-on. Pero an puno han olibo nabubuhi bisan ha diri maopay nga kahimtang. An pipira hito mga 1,000 ka tuig na. Tungod kay nagamot ito hin hilarom, nabubuhi la gihap ito bisan kon pudlon. Mentras buhi pa an mga gamot hito, mananaringsing ito utro.

An patriarka nga hi Job kombinsido nga bisan kon mamatay hiya, mabubuhi hiya utro. (Job 14:13-15) Gin-gamit niya an usa nga puno—posible nga puno hin olibo—basi iilustrar an iya pagsarig ha abilidad han Dios ha pagbanhaw ha iya. Hi Job nagsiring: “May-ada paglaom han usa nga kahoy. Kon ini pag-utdon . . . ini masaringsing liwat.” Kon magkaada uran katapos hin maiha nga huraw, mahimo manaringsing an bag-o nga mga saha ha mga gamot han uga nga tuod han olibo ngan magkaada “mga sanga sugad hin usa nga tanom.”—Job 14:7-9.

Sugad la nga ginhahandom gud han parauma nga manaringsing utro an ginpulod nga puno hin olibo, ginhahandom liwat ni Jehova nga Dios nga banhawon an iya mga surugoon ngan an iba pa. (Mat. 22:31, 32; Juan 5:28, 29; Buh. 24:15) Malilipay gud kita ha pagtapo ha mga binanhaw ngan makita hira nga nagpapahimulos hin makapatagbaw nga kinabuhi!