“Tagi Kami hin Dugang nga Pagtoo”
“Buligi ako nga magmarig-on an akon pagtoo!”
KARANTAHON: 81, 135
1. Mationan-o kaimportante an pagtoo? (Kitaa an retrato hini nga pahina.)
NAKAGPAKIANA ka na ba ha imo kalugaringon, ‘Maruruyag daw la hi Jehova nga talwason ako ha daku nga kasakitan ngan paukyon ha bag-o nga kalibotan?’ Syempre, damu an ginkikinahanglan basi kita maluwas, pero ginpabug-atan ni apostol Pablo an usa nga importante hinduro nga kalidad: “Kon waray pagtoo imposible nga mapalipay gud an Dios.” (Heb. 11:6) Baga hin simple la an iginpapasabot hito, pero ha pagkatinuod, “diri ngatanan nga tawo may pagtoo.” (2 Tes. 3:2) Iginpapakita hini nga mga teksto nga importante gud nga parig-unon naton an aton pagtoo.
2, 3. (a) (a) Ano an aton mahibabaroan kan Pedro mahitungod han importansya han pagtoo? (b) Ano nga mga pakiana an aton hihisgotan?
2 Ginpabug-atan ni apostol Pedro an importansya han pagtoo han gin-unabi niya an mahitungod han “nasarihan nga kalidad” hito nga ‘makakahatag hin kadayawan ngan himaya ngan dungog kon igpahayag na hi Jesu-Kristo.’ (Basaha an 1 Pedro 1:7.) Tungod kay hirani na gud an daku nga kasakitan, diri ba naton karuyag nga magin usa hadton may-ada marig-on nga pagtoo nga pagdadayawon han aton mahimayaon nga Hadi kon igpahayag na hiya? Sigurado nga karuyag naton magin “an klase nga may pagtoo, nga nagriresulta ha katipigi nga buhi han kalag.” (Heb. 10:39) Salit pariho han lalaki nga naghangyo kan Jesus hin dugang nga pagtoo, mahimo liwat kita maghangyo: “Buligi ako nga magmarig-on an akon pagtoo!” (Mar. 9:24) O pariho han mga apostol ni Jesus, mahimo gihap kita sumiring: “Tagi kami hin dugang nga pagtoo.”—Luc. 17:5.
3 An panginahanglan hin dugang nga pagtoo nagbabangon hin mga pakiana. Paonan-o naton mapaparig-on an aton pagtoo? Paonan-o naton maipapakita an aton pagtoo? Paonan-o kita makakasiguro nga babatunon han Dios an aton pag-ampo para hin dugang nga pagtoo?
NALILIPAY AN DIOS KON GINPAPARIG-ON NATON AN ATON PAGTOO
4. Kan kanay mga ehemplo an mahimo magpagios ha aton nga parig-unon an aton pagtoo?
4 Tungod kay “an ngatanan nga iginsurat hadto iginsurat ha pagtutdo ha aton,” may mahibabaroan kita tikang ha ehemplo han mga tawohan ha Biblia nga may marig-on nga pagtoo. (Roma 15:4) Kon ginbabasa naton an mga asoy mahitungod kanda Abraham, Sarah, Isaac, Jacob, Moises, Rahab, Gideon, Barak, ngan damu nga iba pa, mahimo kita mapagios nga usisahon an aton pagtoo. (Heb. 11:32-35) Dugang pa, kon ginbabasa naton an eksperyensya han aton kabugtoan nga may marig-on nga pagtoo, mahimo kita maaghat nga mangalimbasog nga parig-unon an aton pagtoo. *
5. Paonan-o iginpakita ni Elias nga may-ada hiya marig-on nga pagtoo kan Jehova? Ano an igin-aaghat ha aton han iya ehemplo?
5 Usa nga ehemplo nga mababasa ha Biblia hi propeta Elias. Handurawa an masunod nga mga panhitabo nga nagpapakita han iya bug-os nga pagsarig kan Jehova. (1) Han ginsumatan ni Elias hi Hadi Ahab han plano ni Jehova nga magpahinabo hin huraw, may kompyansa nga nagsiring hiya: “Sugad nga buhi hi Jehova . . . mawawaray tun-og o uran hini nga mga tuig, kondi sumala ha akon pulong.” (1 Hadi 17:1) (2) Tinoo hi Elias nga itatagana ni Jehova an iya panginahanglan ngan an panginahanglan han iba durante han huraw. (1 Hadi 17:4, 5, 13, 14) (3) Nagpahayag hiya hin pagsarig nga may gahum hi Jehova ha pagbanhaw han anak han usa nga balo. (1 Hadi 17:21) (4) Sigurado hiya nga magpapadara hi Jehova hin kalayo tikang ha langit basi lamuyon an iya halad ha Bukid Carmel. (1 Hadi 18:24, 37) (5) Han tatapuson na ni Jehova an huraw, bisan kon waray pa tigaman nga mauran, ginsidngan ni Elias hi Ahab: “Tumindog ka, kaon ngan uminom; kay may-ada hagawak hin daku nga uran.” (1 Hadi 18:41) Diri ba nag-aaghat ha aton an sugad nga mga asoy nga usisahon an aton kalugaringon kon sugad ba liwat karig-on an aton pagtoo?
PAONAN-O NATON MAPAPARIG-ON AN ATON PAGTOO?
6. Ano an kinahanglan aroon kan Jehova basi maparig-on an aton pagtoo?
6 Diri naton mapaparig-on an aton pagtoo ha aton kalugaringon la nga pangalimbasog. An pagtoo bahin han bunga han baraan nga espiritu han Dios. (Gal. 5:22) Salit, maaramon nga sundon naton an sagdon ni Jesus nga mag-ampo para hin dugang nga espiritu tungod kay ginpasarig kita niya nga ‘mahatag an aton Amay ha langit hin baraan nga espiritu ha mga nangangaro ha Iya.’—Luc. 11:13.
7. Iilustrar kon paonan-o naton matitipigan nga marig-on an aton pagtoo.
7 Kon magkaada na kita marig-on nga pagtoo, kinahanglan tipigan naton ito. An aton pagtoo maipapariho ha naglalaga nga sungo. Kon magtikang paglaga an sungo, mahimo dumaku an kalayo. Pero kon pabay-an la naton ito, mapaparong an kalayo ngan magigin agbon na la an sungo. Kondi kon pirme naton bubutangan hin sungo an kalayo, padayon ito nga maglalaga. Ha pariho nga paagi, matitipigan naton nga marig-on an aton pagtoo kon babasahon ngan pag-aadman naton an Pulong han Dios kada adlaw. Kon bubuhaton naton ito, maghihilarom an aton gugma ha Biblia ngan kan Jehova, ngan sugad nga resulta, matitipigan naton nga marig-on an aton pagtoo.
8. Ano an makakabulig basi maparig-on ngan matipigan naton an aton pagtoo?
Heb. 6:1, 2) Pag-admi an katumanan han mga tagna ha Biblia kay maghahatag ito ha imo hin marig-on nga basihan ha imo pagtoo. Mahimo mo liwat gamiton nga suruklan an Biblia basi hibaroan kon marig-on gud ba an imo pagtoo.—Basaha an Santiago 1:25; 2:24, 26.
8 Ano pa an mahimo mo buhaton basi maparig-on an imo pagtoo ngan matipigan ito? Ayaw kakontento ha imo la mga hinbaroan antes ka mabawtismohan. (9, 10. Paonan-o napaparig-on an aton pagtoo han: (a) maopay nga mga kaupod? (b) mga katirok ha kongregasyon? (c) ministeryo?
9 Ginsidngan ni apostol Pablo an iya mga igkasi-Kristiano nga mahimo hira “magdinasigay” basi maparig-on an pagtoo han kada tagsa. (Roma 1:12) Samtang nakikig-upod kita ha kabugtoan, napaparig-on an pagtoo han kada tagsa, labi na kon nakikig-upod kita hadton “nasarihan” na an pagtoo. (San. 1:3) An maraot nga mga kaupod makakadaot han pagtoo, pero mapaparig-on ito han maopay nga mga kaupod. (1 Cor. 15:33) Usa ini han mga hinungdan kon kay ano nga ginsagdonan kita nga diri pabay-an an “aton pagkatirok,” kondi padayon nga ‘magparig-onay ha usa kag usa.’ (Basaha an Hebreo 10:24, 25.) Dugang pa, an mga katirok nagtatagana hin mga instruksyon nga nagpaparig-on han aton pagtoo. Uyon ini ha ginsiring ni Pablo: “Nagkakaada la hin pagtoo katapos mabatian an pulong.” (Roma 10:17) Regular ba nga bahin han aton kinabuhi an pagtambong ha mga katirok?
10 Kon nakikigbahin kita ha ministeryo, diri la naton napaparig-on an pagtoo han iba kondi pati an aton pagtoo. Pariho ha mga Kristiano han siyahan nga siglo, nahibabaro kita nga sumarig hin bug-os kan Jehova ngan magyakan nga may kaisog ha ngatanan nga sitwasyon.—Buh. 4:17-20; 13:46.
11. Kay ano nga marig-on an pagtoo nira Caleb ngan Josue, ngan paonan-o kita magigin pariho ha ira?
11 Samtang nakikita naton kon paonan-o kita ginbubuligan ni Jehova ngan kon paonan-o niya ginbabaton an aton mga pag-ampo, napaparig-on an aton pagtoo. Ito an naeksperyensyahan nira Caleb ngan Josue. Nagpakita hira hin pagtoo kan Jehova han nag-espiya hira ha Tuna nga Iginsaad. Pero samtang nakikita nira kon paonan-o hira padayon nga ginbuligan ni Jehova katapos hito, nagin mas marig-on pa gud an ira pagtoo. Diri urusahon nga may pagsarig nga nagsiring hi Josue ha mga Israelita: “Waray usa nga butang nga nakawang ha ngatanan nga mag-opay nga butang nga kan Jehova nga iyo Dios iginyakan mahitungod ha iyo.” Ha urhi, hiya nagdugang: “Busa yana mahadlok kamo kan Jehova, ngan mag-alagad kamo ha iya ha kinasingkasing ngan ha minatuod . . . Kondi an ha akon ngan ha akon panimalay, mag-aalagad kami kan Jehova.” (Jos. 23:14; 24:14, 15) Kon nasarig kita kan Jehova ngan nakikita naton kon paonan-o niya kita ginbubuligan, magigin mas marig-on an aton pagtoo.—Sal. 34:8.
PAGPAKITA HAN ATON PAGTOO
12. Paonan-o naton iginpapakita nga marig-on an aton pagtoo?
12 Paonan-o naton iginpapakita nga marig-on an aton pagtoo? Ginbaton ni disipulo Santiago ito nga pakiana pinaagi ha pagsiring: “Ipapakita ko ha imo an akon pagtoo pinaagi han akon mga buhat.” (San. 2:18) Matin-aw, an aton mga buhat an magpapakita nga marig-on an aton pagtoo. Tagdon naton an pipira nga ehemplo.
Adton nagbubuhat han ngatanan nira nga mahihimo ha ministeryo nagpapakita nga marig-on an ira pagtoo (Kitaa an parapo 13)
13. Kay ano nga an pagsangyaw usa nga paagi ha pagpakita han aton pagtoo?
13 An pagsangyaw usa nga maopay nga paagi ha pagpakita han aton pagtoo. Kay ano? Tungod kay kon nagsasangyaw kita, iginpapakita naton nga natoo kita nga hirani na an kataposan ngan “diri [ito] maglalangan.” (Hab. 2:3) Basi hibaroan kon marig-on an aton pagtoo, mahimo naton pakianhan an aton kalugaringon: ‘Mationan-o kaimportante ha akon an pagsangyaw? Ginbubuhat ko ba an ngatanan basi maisumat ha iba an mahitungod ha Dios? Namimiling ba ako hin paagi ha pagpahaluag han akon ministeryo?’ (2 Cor. 13:5) Oo, pinaagi han ‘dayag nga pagpahayag para ha katalwasan’ naipapakita naton nga marig-on an aton pagtoo.—Basaha an Roma 10:10.
14, 15. (a) Paonan-o naton maipapakita an pagtoo ha aton adlaw-adlaw nga pagkinabuhi? (b) Pag-unabi hin eksperyensya han usa nga nagpakita hin marig-on nga pagtoo.
14 Maipapakita liwat naton an aton pagtoo samtang gin-aatubang naton an aton mga problema ha adlaw-adlaw. May-ada man kita sakit, nakakaeksperyensya hin panluya, depresyon, kapobrehan, o iba pa nga problema, nasarig kita nga hi Jehova ngan an iya Anak “mabulig ha aton ha husto nga panahon.” (Heb. 4:16) Iginpapakita naton ito nga pagsarig pinaagi ha pag-ampo para hin bulig diri la ha aton espirituwal nga panginahanglan. Hi Jesus nagsiring nga mahimo naton ig-ampo an aton materyal nga mga panginahanglan, upod na an ‘pagkaon nga aton ginkikinahanglan para ha bug-os nga adlaw.’ (Luc. 11:3) Ginpapasarig kita han mga asoy ha Biblia nga makakagtagana hi Jehova para ha aton. Durante han usa nga duro nga huraw ha Israel, gintagan ni Jehova hi Elias hin pagkaon ngan tubig. An Biblia nagsiring nga “an mga uwak nagdara ngada ha iya hin tinapay ngan hin unod ha aga, ngan hin tinapay ngan hin unod ha kulop; ngan hiya inminom tikang ha sapa.” (1 Hadi 17:3-6) Natoo kita nga mahimo maniobrahon ni Jehova an mga panhitabo basi magkaada liwat kita han aton ginkikinahanglan.
Nagpapakita kita hin pagtoo samtang gin-aatubang naton an aton mga problema ha adlaw-adlaw (Kitaa an parapo 14)
15 Nasarig kita nga an pag-aplikar han mga prinsipyo ha Biblia makakabulig ha aton ha pagtagana han panginahanglan han aton pamilya. Naeksperyensyahan ito ni Rebecca nga usa nga inasaw-an nga bugto nga taga-Asia. Gin-aplikar han ira pamilya an Mateo 6:33 ngan Proberbios 10:4 pinaagi ha pag-una han Ginhadian ngan ha pagin maduruto ha trabaho. Hi Rebecca nagsiring nga inabat han iya bana nga namimeligro an ira espirituwalidad tungod ha trabaho han iya bana. Salit binaya an iya bana ha trabaho. Pero may upat hira nga anak nga kinahanglan suportaran, salit nagtikang hira paghimo hin mga pagkaon ngan ira ito iginbabaligya. Tungod han ira pagin maduruto, waray mawad-i an ira pamilya han ira mga panginahanglan. Hiya nagsiring: “Inabat namon nga waray gud kami pabay-i ni Jehova. Nakakakaon kami tulo ka beses kada adlaw.” Naipakita mo na ba liwat an imo pagtoo nga an Biblia naghahatag han pinakamaopay nga giya ha mga tawo yana?
16. Ano an magigin resulta kon masarig kita ha Dios?
Gal. 3:11; Hab. 2:4) Salit, importante nga magkaada kita pagtoo ha Usa nga makakabulig gud ha aton. Ginpahinumdom kita ni Pablo nga “an Dios nakakahimo gud hin mas damu pa kay ha ngatanan nga butang nga aton maaaro o mahuhunahuna, uyon ha gahum nga nagios ha aton.” (Efe. 3:20) Ginbubuhat han mga surugoon ni Jehova an ngatanan nga ira mahihimo ha pagtuman han iya kaburut-on. Pero maaram liwat hira han ira mga limitasyon, salit nasarig hira nga bibendisyonan ni Jehova an ira mga pangalimbasog. Diri ba kita nalilipay nga ginbubuligan kita han Dios?
16 Diri gud kita sadang magruhaduha nga makakabulig ha aton an pagsunod ha giya han Dios. Ha pagkotar han ginsiring ni Habakuk, hi apostol Pablo nagsurat: “An matadong mabubuhi tungod han pagtoo.” (GINBATON AN HANGYO PARA HIN PAGTOO
17. (a) Paonan-o ginbaton an hangyo han mga apostol para hin dugang nga pagtoo? (b) Kay ano nga makakalaom kita nga babatunon an aton hangyo para hin dugang nga pagtoo?
17 Tikang ha aton mga ginhisgotan, bangin abaton naton an inabat han mga apostol han nagsiring hira kan Jesus: “Tagi kami hin dugang nga pagtoo.” (Luc. 17:5) Ginbaton an ira hangyo ha espesyal nga paagi han Pentekostes 33 C.E., han iginbubo ha ira an baraan nga espiritu ngan nagkaada hira hin mas hilarom nga pagsabot ha katuyoan han Dios. Nagparig-on ito han ira pagtoo. Sugad nga resulta, gintikangan nira an pinakadaku nga pagsangyaw nga buruhaton ha ira panahon. (Col. 1:23) Makakalaom ba kita nga babatunon ni Jehova an aton hangyo para hin dugang nga pagtoo? An Pulong han Dios nagpapasarig ha aton nga babatunon an aton hangyo kon mangangaro kita “uyon ha kaburut-on han Dios.”—1 Juan 5:14.
18. Paonan-o ginbibendisyonan ni Jehova adton nangangalimbasog ha pagparig-on han ira pagtoo?
18 Matin-aw, nalilipay hi Jehova kon bug-os kita nga nasarig ha iya. Babatunon niya an aton hangyo para hin dugang nga pagtoo, ngan magigin marig-on gud an aton pagtoo. Sugad nga resulta, magigin ‘takos kita ha Ginhadian han Dios.’—2 Tes. 1:3, 5.
^ par. 4 Para ha pipira nga ehemplo, kitaa an istorya han kinabuhi nira Lillian Gobitas Klose (Hulyo 22, 1993, Awake!), Feliks Borys (Pebrero 22, 1994, Awake!), ngan Josephine Elias (Septyembre 2009 Awake!).