Para ha mga Batan-on

An Paglirong ni Pedro kan Jesus

Instruksyon: Basaha an mga teksto ngan batona an mga pakiana ha lugar nga waray aringasa. Samtang imo ginbabasa an mga teksto, hunahunaa nga kaupod ka ha panhitabo. Handurawa an kahimtang. Hunahunaa nga hinbabatian mo hira. Ibutang an imo kalugaringon ha kahimtang han importante nga mga tawo.

USISAHA HIN MAOPAY AN KAHIMTANG.—BASAHA AN MATEO 26:31-35, 69-75.

Pira ka tawo an imo nahahanduraw nga aada hito nga istorya? ․․․․․

Ha imo hunahuna, ano nga klase hin mga tawo an nagpinakiana kan Pedro? Makisangkayon ba hira? usyusiro? nasisina? o may iba nga motibo?

․․․․․

Ano, ha imo hunahuna, an gin-abat ni Pedro han gin-akusahan hiya?

․․․․․

Kay ano nga ginlirong ni Pedro hi Jesus? Tungod ba ito han kakulang hin gugma o tungod hin iba nga hinungdan?

․․․․․

PAMALANDONG HIN DUGANG PA.—BASAHA AN LUKAS 22:31-34; MATEO 26:55-58; JUAN 21:9-17.

Ha ano nga paagi nga an sobra nga pagsarig ha kalugaringon bangin usa nga hinungdan han pakasayop ni Pedro?

․․․․․

Ha ano nga paagi nagpakita hi Jesus hin pagsarig kan Pedro, bisan kon maaram hiya nga makakasayop hi Pedro?

․․․․․

Bisan kon ginlirong ni Pedro hi Jesus, ha ano nga paagi nagpakita hiya hin mas maisog nga disposisyon kay han iba nga disipulo?

․․․․․

Paonan-o iginpakita ni Jesus nga iya ginpasaylo hi Pedro?

․․․․․

Ha imo hunahuna, kay ano nga tulo ka beses nga ginpakianhan ni Jesus hi Pedro: ‘Nahigugma ka ba ha akon?’

․․․․․

Ano an inabat ni Pedro katapos han iya pakiistorya kan Jesus, ngan kay ano?

․․․․․

IAPLIKAR AN IMO HINBAROAN. ISURAT AN IMO HINBAROAN MAHITUNGOD HAN . . .

Kahadlok ha tawo.

․․․․․

Pagpaid ni Jesus ha iya mga disipulo, bisan kon nakasayop hira.

․․․․․

Ano nga bahin hini nga asoy an mapulsanon gud para ha imo, ngan kay ano?

․․․․․

․․․․․