Para ha mga Batan-on

Usa nga Tawo nga may Pagtoo ha mga Saad han Dios

Instruksyon: Basaha an mga teksto ngan batona an mga pakiana ha lugar nga waray aringasa. Samtang nagbabasa ka, hunahunaa nga aktuwal nga naieksperyensyahan mo an nahitatabo. Handurawa an kahimtang. Hunahunaa nga hinbabatian mo an mga tingog ngan aringasa. Ibutang an imo kalugaringon ha kahimtang han nangunguna nga mga tawo.

PAMALANDONGA HIN MAOPAY AN KAHIMTANG.—BASAHA AN GENESIS 12:1-4; 18:1-15; 21:1-5; 22:15-18.

Ihulagway an gin-abat ni Abraham han hibatian an saad han Dios nga magigin kaapoy-apoyan hiya han “binhi” nga maghahatag hin kaopayan ha bug-os nga kalibotan.

․․․․․

Ihulagway an hitsura han tulo nga bisita ni Abraham nga gin-unabi ha Genesis 18:2.

․․․․․

Ano an imo nahahanduraw ha panhitabo nga ginhulagway ha Genesis 18:6-8? (Hinumdumi nga hi Abraham hirani na mag-100 anyos hito nga panahon.)

․․․․․

DUGANG NGA USISAHA.

Pira ka tuig an naglabay tikang han saaran ni Jehova hi Abraham hin anak tubtob han natawo hi Isaak? (Basaha utro an Genesis 12:4 ngan 21:5.)

․․․․․

Ano nga mga pasarig an ginyakan ni Jehova kan Abraham samtang naghuhulat hi Abraham han katumanan han Iya mga saad? (Basaha an Genesis 12:7; 13:14-17; 15:1-5, 12-21; 17:1, 2, 7, 8, 15, 16.)

․․․․․

Ano an ginbuhat ni Jehova han baga hin nagruhaduha na hi Abraham nga magkakaanak pa hiya? (Basaha utro an Genesis 15:3-5, 12-21.)

․․․․․

Ha ano nga paagi hinay-hinay nga iginpahayag ni Jehova an mga detalye mahitungod han “binhi”?

․․․․․

IAPLIKAR AN IMO HINBAROAN. ISURAT AN IMO HINBAROAN MAHITUNGOD HAN . . .

Panginahanglan han pagtoo ha mga saad han Dios.

․․․․․

Paagi kon paonan-o hinay-hinay nga iginpahayag ni Jehova an iya kaburut-on.

․․․․․

ANO NGA BAHIN HINI NGA ASOY AN MAPULSANON GUD PARA HA IMO, NGAN KAY ANO?

․․․․․