Espesyal nga Pahayag Publiko

Ano an Mabulig ha Aton ha Paglampos han mga Problema Yana?

Damu hinduro nga sagdon an mabibilngan yana. Popular an mga libro ngan programa ha TV nga nagsasagdon kon paonan-o personal nga masusulbad an mga problema. Bisan pa hito, diri la gihapon nawawara an mga problema. Salit, bangin magpakiana ka, ‘May-ada ba makukuhaan hin masasarigan nga sagdon?’ Oo, may-ada!

An Biblia, bisan kon yinukot ka tuig na nga iginsurat, may-ada diri nadadaan nga mga prinsipyo nga nagtatagana hin baton ha mga pakiana sugad han:

▪ Paonan-o ko masusulbad an diri pagsinabtanay basi magkaada maopay nga relasyon ha iba?

▪ Paonan-o ako magigin malipayon?

▪ Paonan-o ko aatubangon an mga problema ha pinansyal?

▪ Paonan-o ko malalamposan an kabaraka?

Ini nga mga pakiana babatunon ha pahayag nga may ulohan, “Mga Prinsipyo ha Biblia—Makakabulig ba ha Paglampos han mga Problema Yana?” Inin basado ha Biblia nga pahayag pagdudumarahon ha sobra 230 nga katunaan. Ha kadam-an nga lugar, ipapahayag ito ha Kingdom Hall han mga Saksi ni Jehova ha Domingo, Mayo 1, 2011.

An mga Saksi ni Jehova ha iyo lugar malilipay ha pagsumat ha imo han oras kon san-o hihimoon ito ngan han lugar nga pagdudumarahan hito. Kinasingkasing nga gin-iimbitar ka ha pagtambong.