Ano an imo baton?

• Oo

• Diri

• Bangin

Kon ano an ginsisiring han Biblia

“Ipaharayo tikang han Dios, nga hiya magbuhat hin kahugawan, ngan tikang ha Makagarahum, nga hiya magbuhat hin karat-an.” (Job 34:10) Diri gud an Dios an hinungdan han karaotan ngan pag-antos ha kalibotan.

Ano pa an aton mahibabaroan ha Biblia?

• Hi Satanas nga Yawa, “an magmarando han kalibotan,” amo an nangunguna nga hinungdan han pag-antos.—Juan 14:30.

• An pag-antos ngan karaotan kasagaran nga resulta liwat han magraot nga desisyon han mga tawo.—Santiago 1:14, 15.

An iba natoo nga mahimo wad-on han tawo an pag-antos pinaagi han ira urosa nga pangalimbasog, samtang an iba diri na naglalaom nga magigin maopay pa an kahimtang han kalibotan. Ano ha imo hunahuna?

Kon ano an ginsisiring han Biblia

Tatapuson han Dios an pag-antos. “Mawawara na an kamatayon, pati an kabido, pagtangis, ngan kasakit.”—Pahayag 21:3, 4.

Ano pa an aton mahibabaroan ha Biblia?

• Gagamiton han Dios hi Jesus ha pagwara han pag-antos nga ginpapahinabo han Yawa.—1 Juan 3:8.

• An mag-opay nga tawo mamurayawon nga mag-uukoy ha tuna ha waray kataposan.—Salmos 37:9-11, 29.