Damu an naghuhunahuna nga waray solusyon ha mga problema nga aatubangon han mga tawo ha 2024. Pero, puydi kita makabiling hin paglaom para ha tiarabot. Diin?

 An Biblia nagsasaad nga susulbaron han Dios an mga problema nga nagigin hinungdan nga nawawad-an kita hin paglaom yana. Diri na mag-iiha, “papahiron [han Dios] an ngatanan nga luha ha [aton] mga mata, ngan mawawara na an kamatayon, pati an kabidoan, pagtangis ngan kasakit.”—Pahayag 21:4.

•   Basi mahibaro hin dugang parte ha mga saad han Biblia para ha tiarabot, basaha an artikulo nga “Makakaasa Ka sa Isang Magandang Kinabukasan.”

 An Biblia naghahatag hin paglaom para ha tiarabot nga makakabulig ha imo nga maatohan an negatibo nga mga pag-abat ngan magkaada mas positibo nga disposisyon. (Roma 15:13) An praktikal nga sagdon han Biblia makakabulig liwat ha imo nga makaya an mga problema nga bangin naieksperyensyahan mo yana, sugad han kapobrehan, kawaray-hustisya, ngan sakit.

•   Hibaroi kon paonan-o an paglaom nga iginhahatag han Biblia nakabulig ha usa nga lalaki nga mabilngan an kamurayawan ngan kalipay bisan kon nagdaku hiya nga pobre hinduro. Kitaa an video nga Juan Pablo Zermeño: Gintagan Ako ni Jehova hin Kinabuhi nga May Katuyoan.

•   Hibaroi kon paonan-o an Biblia makakabulig ha imo kon naabat ka hin duro nga kakonsensya, kasubo, kabaraka, ngan kon namatyan ka hin hinigugma. Basaha an artikulo nga “Makakatulong Ba Talaga sa Akin ang Sinasabi ng Bibliya?”

•   Kitaa kon paonan-o an usa nga beterano nga sundalo nga iginhulagway an iya kalugaringon sugad nga “istrikto hinduro ngan waray labot ha iba” nakabiling hin paglaom tungod han Biblia. Kitaa an video nga Binitiwan Ko ang Baril Ko.

 Himoa nga maopay nga tuig an 2024 para ha imo ngan ha imo pamilya. Mahibaro hin dugang kon paonan-o ka mabubuligan han Biblia. Testingi an amon libre nga interactive nga pag-aram ha Biblia nga may magturutdo. Hibaroi kon paonan-o an Dios makakahatag ha imo hin “kamurayawan” yana ngan hin “kabubuwason ngan hin paglaom.”—Jeremias 29:11.