Han 2023, nakita han mga health expert nga an kasubo seryoso gud nga problema ha kahimsog nga kinahanglan aksyonan. May-ada ba solusyon hini nga problema?

•   “Kon nasusubo kita ngan iginbubulag an aton kalugaringon ha iba, may-ada gud ito diri maopay nga epekto ha aton kahimsog ngan mahimo mawara an aton kalipay,” siring ni Dr. Vivek Murthy, U.S. surgeon general. Pero nagsiring liwat hiya: “May mahihimo kita parte hito.” Paonan-o? “Pinaagi ha paghimo hin gudti nga mga butang kada adlaw basi maparig-on an aton pakigsangkay ha iba.” a

 Nasusubo kita diri la tungod kay nag-uusahan kita. An iba nasusubo bisan kon kaupod nira an damu nga tawo. Anoman an hinungdan han aton kasubo, makakabulig an Biblia. May praktikal ito nga sagdon nga makakabulig ha aton nga maatohan an kasubo pinaagi ha pagparig-on han aton pakigsangkay ha iba.

 Magin maopay ha pakigkomunikar. Nangangahulogan ini nga diri la kay isusumat mo an imo inaabat kondi dapat magin maopay ka liwat nga parapamati. Kon mas ipapakita mo an imo interes ha iba, mas magririg-on an imo relasyon ha ira.

•   Prinsipyo ha Biblia: ‘Panginanoa diri la an iyo kalugaringon nga kaopayan, kondi pati liwat an kaopayan han iba.’—Filipos 2:4.

 Magkaada hin iba-iba nga kasangkayan. Magin andam pakigsangkay ha mga mas edaran o mas bata ha imo o ha may iba nga kultura o nasyonalidad.

•   Prinsipyo ha Biblia: “Abrihi niyo hin haluag an iyo kasingkasing.”—2 Corinto 6:13.

 Para ha dugang nga impormasyon kon paonan-o magkakaada marig-on nga pakigsangkay ha iba, basaha an artikulo nga “Sinasapatan ang Ating Masidhing Pagnanais na Makipagkaibigan.”