Para ha damu nga tawo, an pagkaada patas nga pagtratar ha ngatanan nga lahi sugad hin inop na la.

•   “An diskriminasyon ha lahi sugad hin hilo nga padayon nga nakakadaot ha mga organisasyon, mga asosasyon, ngan ha adlaw-adlaw nga pagkinabuhi han mga tawo. Tungod hito nagpapadayon an diri patas nga pagtratar ha usa kag usa.”—António Guterres, UN Secretary-General.

 Mahitatabo gud ba an patas nga pagtratar ha ngatanan nga lahi? Ano an ginsisiring han Biblia?

 An Biblia nagtututdo ha aton kon ano an panhunahuna han Dios ha mga tawo ha iba-iba nga lahi.

•   “Tikang ha usa nga tawo ginhimo [han Dios] an tagsa nga nasud han mga tawo basi mag-ukoy ha bawbaw han bug-os nga tuna.”—Buhat 17:26.

•   “An Dios waray pinaurog, kondi ha tagsa nga nasud an tawo nga may kahadlok ha iya ngan nagbubuhat han husto ginkakarawat niya.”—Buhat 10:34, 35.

 Iginsusumat han Biblia nga an ngatanan nga tawo bahin han usa la nga pamilya ngan ginkakarawat han Dios an mga tawo ha tagsa nga lahi.

 An patas nga pagtratar ha ngatanan nga lahi papahinaboon han Ginhadian han Dios, usa nga langitnon nga gobyerno. Tututdoan hito nga gobyerno an mga tawo han tama nga paagi han pagtratar ha iba. Mahibabaro an mga tawo kon paonan-o wawad-on ha ira kasingkasing an diskriminasyon ha lahi.

•   ‘An mga naukoy ha tuna mahibabaro mahitungod han katadongan.’—Isaias 26:9.

•   “An tinuod nga katadongan magriresulta hin kamurayawan, ngan an tinuod nga katadongan magbubunga hin nagpapadayon nga kamurayawan ngan kasigurohan.”—Isaias 32:17.

 Minilyon nga tawo yana an nahibabaro tikang ha Biblia kon paonan-o ipapakita an respeto ngan dignidad ha ira pagtratar ha iba.

•   Basi mahibaro hin dugang pa, basaha an isyu han magasin nga Pagpamata! nga may ulohan nga “Mawawara Pa ba an Diskriminasyon?”

•   Basaha an artikulo nga “Ipakipag-usap sa mga Anak ang Tungkol sa Diskriminasyon” basi mahibaroan kon paonan-o ipapakiistorya han mga kag-anak ini nga topiko ha balay.