“Namimeligro na liwat an ekonomiya han kalibotan,” siring han presidente han World Bank Group ha usa nga report han Hunyo 2022. “Madagmit nga nagtitikamahal an mga paraliton pero diri nadaku an kita han mga tawo.”

 “Madagmit nga nagtitikamahal an presyo han gasolina ngan mga pagkaon, ngan apektado gud hini an mga tawo ha mas pobre nga mga nasud,” siring han International Monetary Fund.

 Ginbubuligan kita han Biblia nga masabtan kon kay ano nga nahitatabo an sugad nga problema ha ekonomiya, ngan kon paonan-o naton ito makakaya. May ginsisiring liwat ito nga paglaom para ha permanente nga solusyon.

•   Gintatawag han Biblia an aton panahon yana nga “kataposan nga mga adlaw.”—2 Timoteo 3:1.

•   Siring ni Jesus nga an “makaharadlok nga mga kiritaon,” o mga panhitabo, matutuman hini nga panahon. (Lucas 21:11) An pagtikamahal han mga paraliton makaharadlok gud. An mga tawo nababaraka para ha ira tiarabot ngan kon makakagtagana ba hira ha ira pamilya.

•   Igintagna han libro han Pahayag an pagtikamahal han mga paraliton yana. “Hinbatian ko in tingog . . . nga nasiring, ‘Usa ka litro nga trigo ngan tulo ka litro nga sebada an mapapalit han usa ka adlaw nga suhol han nagtrabaho.’”—Ginpadayag [o Pahayag] 6:6, An Maupay nga Sumat.

 Basi mahibaro hin dugang mahitungod ha “kataposan nga mga adlaw” ngan ha tagna ha libro han Pahayag, kitaa an video nga Nagbag-o an Kalibotan Tikang han 1914 ngan basaha an artikulo nga “An Upat nga Mangangabayo—Hin-o Hira?”

•   “Magtutukod hira hin mga balay ngan maukoy dida hito, ngan magtatanom hira hin mga urubasan ngan makaon han mga bunga hito. Diri hira magtutukod nga iba an maukoy, ngan diri hira magtatanom nga iba an makaon.”—Isaias 65:21, 22.

•   “Magkakaada hin hura nga lugas ha tuna; ha pungkay han kabukiran magsasap-ay ito.”—Salmo 72:16.

•   “‘Tungod kay gintatalumpigos an mga nag-aantos, tungod han panhayhay han mga pobre, mabuhát ako basi gumios,’ nasiring hi Jehova.”—Salmo 12:5. a

 Diri na mag-iiha susolusyonan han Dios an ngatanan nga diri patas nga ekonomiya, diri la ha usa nga nasud kondi ha bug-os nga kalibotan. Basi mahibaroan kon paonan-o, basaha an artikulo nga “Posible Ba ang Isang Patas na Sistema ng Ekonomiya?”

 Pero yana pa la, mabubuligan ka han Biblia nga makaya an pagtikamahal han mga paraliton. Paonan-o? May mga sagdon ito mahitungod ha tama nga paggamit han kwarta. (Proberbios 23:4, 5; Eclesiastes 7:12) Basi mahibaro hin dugang, basaha an mga artikulo nga “Protektari an Imo Pakabuhi” ngan “Paano Ka Makakapag-adjust Kapag Nabawasan ang Iyong Kita?”