Damu nga tawo ha bug-os nga kalibotan an nakukurian pamiling hin kwarta para ha ira adlaw-adlaw nga panginahanglan—ngan nagtitikakuri pa ito.

•   Sumala ha bag-o la nga report ha bug-os nga kalibotan, a “nagtitikahamubo gud an balor han binulan nga sweldo han mga tawo.” Nagpahamangno ito nga kon diri aaksyonan, “magtitikadaku an diperensya han mga riko ngan mga pobre” ngan “damu nga pamilya an magkukuri.”

 Masusolusyonan ba han mga gobyerno inin nagtitikagrabe nga krisis ha ekonomiya, o may mahihimo ba hira parte hito?

 An Biblia nagsusumat nga may usa nga gobyerno nga kaya magsulbad ngan susulbaron gud an ngatanan nga problema ha ekonomiya, upod na an diri patas nga estado ha kinabuhi. Nasiring ito nga “an Dios han langit mag-iestablisar hin ginhadian,” usa nga gobyerno nga magdudumara han ngatanan nga buruhaton ha tuna. (Daniel 2:44) Ilarom hiton bug-os-kalibotan nga gobyerno, waray makakalimtan o mapapabay-an. (Salmo 9:18) Sisiguruhon han Ginhadian han Dios nga an mga sakop hito magkakaada han ira ginkikinahanglan basi magin malipayon. An ngatanan mag-i-enjoy ha maopay nga resulta han ira gintrabahoan.—Isaias 65:21, 22.