“An duro nga pagtikaraot han klima, nagriresulta hin damu nga problema ha mga tawo, hayop, ngan syudad. An magkusog nga bagyo nga ginpapagrabe pa tungod han pagbag-o han klima, nakakaruba hin mga balay ngan pakabuhi ha bug-os nga kalibotan. An pagtikapaso han kadagatan, posible magresulta hin kapoo han damu pa nga klase han mga linarang.”—Inger Andersen, under-secretary-general han United Nations ngan executive director han UN Environment Programme, Hulyo 25, 2023.

 Magkakaurosa ba an mga gobyerno ha pagsulbad han mga problema nga nakakaapekto ha bug-os nga tuna? Makakaghatag ba hira hin permanente nga solusyon hini nga mga problema?

 An Biblia nagsusumat nga may usa nga gobyerno nga kaya magsulbad ngan susulbaron gud an ngatanan nga problema ha tuna. Nasiring ito nga “an Dios han langit mag-iestablisar hin ginhadian,” usa nga gobyerno nga magmamando ngan magsusulbad han mga problema han bug-os nga tuna. (Daniel 2:44) Ilarom hiton bug-os-kalibotan nga gobyerno, an mga tawo ‘diri mandadaot’ ha usa kag usa o “manruruba” ha tuna.—Isaias 11:9.