Igintutdo ni Jesus nga susulbaron han Ginhadian han Dios an ngatanan nga problema han katawohan. (Mateo 6:10) Ha Mateo 13:44-46, iginhatag niya an duha nga ilustrasyon nga nagpapakita han pagkaimportante han kamatuoran parte han Ginhadian han Dios:

•   Usa nga tawo an nagtatrabaho ha uma ngan diri tinuyo nga nakaagi hiya hin nakatago nga bahandi.

•   Usa nga nagbibiyahe nga negosyante nga nagpipinamiling hin mag-opay nga perlas an nakaagi hin perlas nga daku an kantidad.

 Malipayon nga iginbaligya nira nga duha an ngatanan nira nga gintatag-iya basi mapalit an bahandi nga ira naagian. Ini nga mga lalaki nagrirepresentar ha mga tawo nga nagpapabili gud han Ginhadian salit naghimo hira hin dagku nga sakripisyo para makarawat an mga bendisyon hito. (Lucas 18:29, 30) Hini nga video, hibaroi an istorya han duha nga indibiduwal nga pariho han mga lalaki ha ilustrasyon ni Jesus.