Oo. Mga Kristiano kami tungod han masunod nga mga rason:

•   Nangangalimbasog kami nga sundon hin maopay an katutdoan ngan panggawi ni Jesu-Kristo.—1 Pedro 2:21.

•   Natoo kami nga pinaagi kan Jesus magkakaada katalwasan, ngan “waray iba nga ngaran ha ilarom han langit nga iginhatag ha mga tawo nga makakatalwas ha aton.”—Buhat 4:12.

•   Kon nagigin Saksi ni Jehova an mga tawo, ginbabawtismohan hira ha ngaran ni Jesus.—Mateo 28:18, 19.

•   Nag-aampo kami pinaagi ha ngaran ni Jesus.—Juan 15:16.

•   Natoo kami nga hi Jesus an Ulo, o an usa nga gintagan hin awtoridad ha ngatanan nga tawo.—1 Corinto 11:3.

 Pero ha damu nga paagi, naiiba kami ha iba pa nga relihiyoso nga grupo nga gintatawag nga Kristiano. Pananglitan, natoo kami nga igintututdo han Biblia nga hi Jesus diri bahin han Trinidad, kondi hiya an Anak han Dios. (Marcos 12:29) Diri kami natoo nga imortal an kalag, nga may-ada basihan ha Kasuratan basi tumoo nga ginpapasakitan han Dios an mga tawo ha impyerno hin waray kataposan, o adton nangunguna ha relihiyoso nga buruhaton dapat magkaada hin mga titulo nga nagpapakita nga mas labaw hira ha iba.—Eclesiastes 9:5; Ezekiel 18:4; Mateo 23:8-10.