Oo. Bisan diin kami naukoy, nangangalimbasog an ngatanan nga Saksi ni Jehova nga gumawi o maghunahuna sugad nga misyonero nga regular nga nagsusumat ha mga tawo han amon gintotoohan.—Mateo 28:19, 20.

 Dugang pa, an pipira nga Saksi nabisita o nabalhin ha iba nga lugar ha ira nasud diin an kadam-an nga mga tawo waray pa makabati han maopay nga sumat tikang ha Biblia. An iba naman nabalhin ha iba nga nasud basi magpahaluag han ira ministeryo. Nalilipay hira nga magin bahin ha pagtuman hini nga tagna nga ginsiring ni Jesus: “Magigin mga saksi ko kamo . . . ngadto ha pinakahirayo nga bahin han tuna.”—Buhat 1:8.

 Han 1943, nagkaada kami eskwelahan nga naghahatag hin espesyal nga training para ha pipira namon nga misyonero. Tikang hito, sobra 8,000 nga Saksi an nakaeskwela hini nga eskwelahan nga gintatawag nga Watchtower Bible School of Gilead.