Ginrirespeto han bug-os-kalibotan nga relihiyoso nga organisasyon han mga Saksi ni Jehova (“relihiyoso nga organisasyon”) an mga katungod han indibiduwal may kalabotan ha privacy ngan pagprotektar ha iya personal nga impormasyon. Ginkikilala han relihiyoso nga organisasyon nga kinahanglan an tangkod ngan prangka nga komunikasyon ngan an pagkuha hin personal ngan sensitibo nga impormasyon basi maihatag an mga panginahanglan han tagsa nga Saksi ni Jehova ngan mahimo an relihiyoso nga buruhaton hito ngan an pagbulig ha iba, ngan maaram liwat ito nga kinahanglan tipigan nga kompidensyal an mga impormasyon ngan siguruhon nga maprotektaran ini. (Proberbios 15:22; 25:9) Importante gud ha amon an confidentiality.—Proberbios 20:19.

An iba-iba nga nasud nagpapatuman hin mga data protection law basi maprotektaran an mga katungod han mga indibiduwal may kalabotan ha privacy. An relihiyoso nga organisasyon, pati na an mga sanga nga opisina hito, maiha na nga narespeto han mga katungod ha privacy ngan pagtipig han confidentiality, antes pa ngani ipatuman an sugad nga mga data protection law. Padayon nga puprotektaran han relihiyoso nga organisasyon an impormasyon nga iginhahatag ngada hito sugad han maiha na nga ginbubuhat hito.

Mga Surundon ha Pagprotektar han Impormasyon. Ginagamit han relihiyoso nga organisasyon an ngatanan nga personal nga impormasyon sumala han masunod nga mga surundon:

1. An personal nga impormasyon ipuproseso hin patas ngan uyon ha balaud.

2. An personal nga impormasyon kukuhaon, ipuproseso, ngan gagamiton tubtob la nga kinahanglan basi matuman an relihiyoso nga katuyoan ngan an pagbulig ha iba han relihiyoso nga organisasyon.

3. An personal nga impormasyon magigin husto ngan pirme ig-a-update. Kon mahibaroan han relihiyoso nga organisasyon an bisan ano nga sayop, tatadungon dayon ito.

4. An personal nga impormasyon titipigan tubtob la nga kinahanglan para ha lehitimo nga (mga) katuyoan han relihiyoso nga organisasyon.

5. Ikukonsiderar ngan rirespetuhon an mga katungod han mga nagtatag-iya han impormasyon.

6. Maghihimo hin angayan nga mga pitad nga kanan teknikal ngan kanan organisasyon basi malikyan an diri awtorisado ngan ilegal nga paghatag ha iba han personal nga impormasyon. An ngatanan nga kompyuter nga may sulod nga personal nga impormasyon may mga password nga an awtorisado la nga mga user an maaram. An mga opisina ginla-lock katapos han trabaho, ngan an mga awtorisado la an makakasulod.

7. An personal nga impormasyon diri ipapadara ha iba nga sanga nga opisina labot la kon kinahanglan ito basi matuman an relihiyoso nga katuyoan ngan an pagbulig ha iba han relihiyoso nga organisasyon. An ngatanan nga Saksi ni Jehova tinugot hini han kinaburut-on nga nagdesisyon hira nga magin Saksi ni Jehova ngan makilala nga Saksi.

Ini nga mga surundon ha pagprotektar han impormasyon an naggigiya ha paggamit han personal nga impormasyon nga mababasa ha libro nga Organisado ha Pagbuhat han Kaburut-on ni Jehova, nga iginhahatag ha ngatanan nga Saksi ni Jehova kon nagigin magwarali hira. Para ha dugang nga impormasyon, kitaa an Organisado ha Pagbuhat han Kaburut-on ni Jehova.

Igintutugot ha usa nga indibiduwal an katungod nga protektaran an iya personal ngan sensitibo nga impormasyon ngan tadungon o paraon an iya personal ngan sensitibo nga impormasyon, uyon ha ginbubuhat han mga Saksi ni Jehova nga mababasa ha Global Policy ha Paggamit han Personal nga Impormasyon ilarom han ulohan nga An Imo mga Katungod.

Iginpapakita hini nga Global Data Protection Policy han mga Saksi ni Jehova an basihan han mga Saksi ni Jehova ha bug-os nga kalibotan kon paonan-o nira ginagamit an personal nga impormasyon.