An kadak-an nga sulod hini nga website maa-access bisan diri mag-register sugad nga user ngan diri magpasa ha amon hin bisan ano nga impormasyon. Pero may pipira nga feature nga available la ha naka-register nga mga user, ha mga user nga nagpasa hin request o aplikasyon, o ha mga user nga an ira personal nga impormasyon iginpadara han usa nga kongregasyon han mga Saksi ni Jehova gamit an jw.org. Ginpuproseso la namon an imo personal nga impormasyon kon igintutugot mo. Ha pipira nga kahimtang, kon bawion mo an imo pagtugot, mahimo la gihapon namon padayon nga iproseso an imo impormasyon kon may lehitimo nga basihan kami nga uyon ha iginpapatuman han balaud.

An personal nga impormasyon nga imo iginpasa ha website ginagamit la para ha katuyoan nga gin-unabi ha imo han iginpasa mo an impormasyon. Ini nga mga katuyoan mahimo mag-upod han masunod:

Mga Account. An e-mail address nga imo iginhatag han naghimo ka hin account hini nga website mahimo gamiton ha pagkontak ha imo may kalabotan ha imo account. Pananglitan, kon mahingalimtan mo an imo username o password ngan maghangyo ka hin bulig ha pag-log in, may ipapadara ha imo nga mensahe ha e-mail address nga imo iginbutang ha imo user profile.

Mga Aplikasyon. Kon kwalipikado ka basado ha mga gintotoohan ngan mga policy han mga Saksi ni Jehova, mahimo mo gamiton ini nga website ha paghimo han imo account, pagpasa hin aplikasyon, o mahimo gamiton han imo kongregasyon ini nga website ha pagpasa hin aplikasyon para ha imo para ha dugang nga relihiyoso nga mga buruhaton. An imo personal nga impormasyon nga aada ha aplikasyon maghimo mag-upod han personal nga mga detalye nga imo iginpasa, o iginpasa han iyo mga tigurang ha iyo kongregasyon, o han iyo paramangno han sirikito. An ihahatag nga impormasyon gagamiton la para ha pagproseso ngan pagkonsiderar han imo aplikasyon ngan para ha administratibo nga mga katuyoan nga may kalabotan hito, upod an paghimo han imo profile sugad nga bahin han pagproseso han aplikasyon. Kon kinahanglan ha pagproseso han imo aplikasyon, an imo impormasyon dida ha aplikasyon mahimo liwat ipadara ha iba nga mga sanga nga opisina, ha sentro nga opisina han mga Saksi ni Jehova, o puropariho nga konektado nga mga organisasyon nga ginagamit han mga Saksi ni Jehova ha iba-iba nga nasud. Ha ngatanan nga kahimtang, an tagsa nga aplikasyon gin-uusisa hin maopay ngan diri awtomatiko la nga gindidesisyonan.

Mga Donasyon. Kon magdonar ka hin kwarta online, ginkukuha namon an imo ngaran ngan contact information. Basi makarawat an mga donasyon pinaagi hin credit card, nagamit kami hin accredited nga mga online payment processing service nga may-ada han pinakamaopay nga seguridad ngan mga data privacy policy. Bangin makakarawat kami hin mga impormasyon, sugad han credit card number o financial account number nga kinahanglan ha pagproseso han imo donasyon, ngan ipadara an ginkikinahanglan nga impormasyon ngada hito nga mga processing service. Basi masiguro an seguridad han imo donasyon, ginpuproseso namon ito gamit an mga surundon nga uyon ha Payment Card Industry Data Security Standard (“PCI DSS”). An nakarawat han donasyon nagtitipig hin mga rekord han transaksyon hin diri maminos napulo ka tuig. Nag-uupod ini han mga rekord han petsa, kantidad, ngan paagi han pagdonar. Mabulig ini ha amon nga masunod an mga surundon ha accounting ngan mabaton an imo mga pakiana durante hito nga panahon. Diri ka namon kukontakon para mangaro hin dugang nga donasyon.

Mga Hangyo hin Dugang nga Impormasyon o hin Pag-aram ha Biblia. Mahimo ka liwat maghangyo hin dugang nga impormasyon o hin libre nga pag-aram ha Biblia gamit an amon website. An personal nga impormasyon nga imo iginpasa dida ha imo request gagamiton la namon para ha imo espisipiko nga hangyo. An imo impormasyon mahimo ipadara ha iba nga mga sanga nga opisina o konektado nga mga organisasyon han mga Saksi ni Jehova kon kinahanglanon basi maihatag an imo hangyo.

Iba Pa nga mga Katuyoan. Mahimo ka magpasa hin personal nga impormasyon (sugad han imo ngaran, postal address, ngan numero han telepono) para ha mga katuyoan labot han paghimo hin account, pagpasa hin aplikasyon, o paghatag hin donasyon. Ha tagsa nga kahimtang, ipapahibaro namon ha imo an katuyoan han amon pag-aro hin impormasyon. An imo iginhatag nga impormasyon diri namon gagamiton para ha mga katuyoan nga waray ipahibaro ha imo.

Ginkukuha, gintitipigan, ngan ginagamit namon ini nga personal nga impormasyon para la ha mga katuyoan han imo pagpasa hini, ngan gintitipigan namon an impormasyon tubtob la nga kinahanglan ini para hito nga mga katuyoan o para ha iba nga lehitimo nga mga katuyoan. Hini nga mga kahimtang, kon diri mo ihatag an personal nga impormasyon nga amon gin-aaro, bangin diri ka maka-access ha pipira nga bahin han site o diri namon maihatag an imo request.

An impormasyon nga imo iginbutang ha imo request o aplikasyon naa-access han mga processor nga nanginginano basi matuman an katuyoan han pagproseso han impormasyon ngan/o han mga technical support specialist nga nag-o-operate ngan nagmimintinar han technical system. Diri namon iginhahatag an imo personal nga impormasyon ha bisan hin-o labot la kon (1) kinahanglan ito basi maihatag an serbisyo nga imo ginhahangyo ngan bug-os nga iginpahibaro namon ito ha imo; (2) kombinsido kami nga kinahanglan ihatag ito nga impormasyon basi masunod an aplikado nga mga balaud o regulasyon; (3) pagsunod ito han hangyo han mga awtoridad nga nagpapatuman han balaud; o (4) kinahanglan ito basi mahibaroan ngan malikyan an panlimbong ha seguridad o an teknikal nga mga problema. Pinaagi ha paggamit hini nga website, gintutugotan mo kami nga ihatag an imo personal nga impormasyon ha mga third party para la hini nga mga katuyoan. An bisan ano nga personal nga impormasyon nga imo iginpasa diri ibabaligya, igninegosyo, o ipapagamit nga may bayad ha anoman nga kahimtang.

An relihiyoso nga organisasyon nagios ha bug-os nga kalibotan pinaagi han iba-iba nga lokal nga mga korporasyon. An pipira han mga server hini nga website nahimumutang ha Estados Unidos han Amerika. Mahimo namon ipadara an imo impormasyon ha gawas han nasud nga imo gin-uukyan, posible nga pati na ha mga nasud nga an mga balaud ha pagprotektar han impormasyon iba kay ha mga balaud han nasud nga imo gin-uukyan yana. Ha amon paggamit ngan pagpadara han imo personal nga impormasyon, ginsisiguro namon nga maprotektaran an imo impormasyon. Ginlalaoman namon nga susundon han ngatanan nga organisasyon nga ginagamit han mga Saksi ni Jehova ngan nasuporta ha buruhaton hito an amon mga data protection policy ngan an iginpapatuman nga mga balaud ngan regulasyon may kalabotan ha personal nga impormasyon.

Pinaagi ha pagbisita hini nga website ngan pakigkomunikar ha amon ha elektroniko nga paagi, natugot ka nga ipadara ha iba nga nasud an imo impormasyon.

Ha kada panahon nga nagpuproseso kami hin personal nga impormasyon, naghihimo kami hin makatadunganon nga mga pitad basi masiguro nga an imo personal nga impormasyon matipigan nga husto ngan updated para ha mga katuyoan kon kay ano nga ginkuha ito. Depende ha nasud nga imo gin-uukyan ngan ha iginpapatuman hito nga mga data protection law, mahimo ka magkaada han masunod nga mga katungod may kalabotan ha personal nga impormasyon nga imo iginpasa ha amon:

• Mahimo ka mangaro hin impormasyon mahitungod han pagkuha ngan paggamit han imo personal nga impormasyon uyon ha iginpapatuman nga mga balaud ha iyo nasud;

• Mahimo ka maghangyo nga i-access, i-block, o paraon an imo personal nga impormasyon, o tuhayon kon diri ito kompleto o diri husto;

• Mahimo ka magdumiri nga iproseso an imo personal nga impormasyon ngan maghangyo ha amon nga diri na ipadayon an pagproseso han imo impormasyon, kon may lehitimo ka nga mga basihan ha pagbuhat hito.

Kon an nasud nga imo gin-uukyan may iginpapatuman nga mga data protection law ngan karuyag mo i-access, tadungon, o paraon an imo personal nga impormasyon, makikita mo an contact information ha page nga Data Protection Contacts.

Kon makarawat na namon an imo sinurat nga request, katapos mo maghatag hin igo nga pamatuod han imo pangirilal-an ngan hin igo nga detalye basi mabilngan namon an imo personal nga impormasyon, ikukonsiderar hin maopay han angayan nga data controller kon ihahatag ba an request pinaagi ha pagturotimbang kon magigin mapulsanon ha indibiduwal nga i-access, tadungon, o paraon an impormasyon ngan kon diri ito makakadaot ha organisasyon, pati na an pagturotimbang kon an paghatag han request magbubutang ha peligro han katungod han organisasyon ha pagkaada kagawasan ha pagsingba ngan pagbuhat han ira relihiyoso nga mga buruhaton. Papahibaroon liwat namon an mga third party mahitungod han kinahanglanon nga mga pagbag-o.

Alayon tigamni nga bangin diri puydi paraon an imo impormasyon kon an pagproseso igin-oobligar han balaud o kon an impormasyon mahimo tipigan tungod han iba pa nga legal nga mga basihan. Pananglitan, karuyag han relihiyoso nga organisasyon nga permanente nga magtipig hin impormasyon mahitungod han kahimtang ha kongregasyon han usa nga indibiduwal sugad nga Saksi ni Jehova. An pagpara han sugad nga impormasyon makakaulang ha relihiyoso nga mga gintotoohan ngan mga buruhaton han organisasyon. An mga request ha pagpara hin personal nga impormasyon kinahanglan uyon ha bisan ano nga aplikado nga legal reporting o document retention requirement nga igin-oobligar ha amon. Mahimo ka liwat magpasa hin reklamo mahitungod ha pagproseso han impormasyon nga imo iginhatag pinaagi hini nga website ngadto ha mga awtoridad ha imo lugar nga nagpuprotektar han impormasyon.