LECCIÓN 8
Katukeme Dio asirajakutai sanamata tane iabaya?
1. Katukeme asiraja ja?
Jeoba iabaya waraotuma akobieno jamejerei tiarone tamaja kobieno ka sanamata ekorakomoni
Satanás imasibu awajiabara dibukore tamatikamo asira jakutai jobaji eku nakae. Awajiabara tai mejokoji aobojona yakerawitu jae, tiarone “Ribu nome eku bajinaja” (Juan 8:44). Uria uria Satanás obonoae mejokojituma daisa warao arakate tai yatomanetemejerei, tiarone ka nonatu jisamika yatomanetekitane ja. Satanás Eva imasibuae tai aribu nokomejerei Dio aribu nokonakamejerei. Adan Eva monuka Dio aribu nokokitane obononatanae. Adan kuare oko sanamataya wabaya. Roma 5:19; 2 Corinto 11:3 teribu.
Satanás Eva isia dibunae Dio aribu nokonakamejerei, tai Dio diboto barinae. Jeoba kokotuka airamowitu tiarone Satanás tai naminakitane obononatanae. Warao erajawitu Diablo monuka Jeoba kokotuka airamowitu naminakitane obononaja tiame Satanás “raina airamo”. Juan 14:30; 1 Juan 5:19 teribu.
2. Dio anona yakerena tanae?
Jeoba anona kokotuka yakerawitu. Waraotuma awajiabara mejokojituma tane Dio aribu kokotuka eku abakuna (Emusabataja 15:3; Filipo 2:15). Jeoba iabaya oko obonoyakutai nonamejerei yakerajarone o asirajarone. Tamaja ka sanetaya aribu eku abakitane oko obonoyame. Santiago 1:13-15; 1 Juan 5:3 teribu.
3. Katukeme Dio oko sanamatamejerei iabaya?
Jeoba mate waraotuma tai diboto narumejerei iabaya. Katukeme? Emikitane kobieno jisakarakate Dio asaneta omi warao sanetakomoni (Eclesiastés 7:29; 8:9). Joira 6.000 kuayabane, ka emia niboratuma a kobieno eku ka isanamo, monikata, orikuba nobara tane ekorakomoni. Jeremías 10:23; Roma 9:17 teribu.
Oko iabakore Dio ka airamo tamejerei yakera jate (Lucas 11:28). Ya jisaka eku utirajawituana Jeoba waraotuma akobieno ekorate. Waraotuma jisamika Dio akobieno sabasabaya jakutai jobaji arai jate (Isaías 11:9). Emusabataja 11:15 teribu.
4. Katukane Dio ayawaka ka sanetaya?
Satanás dibunae warao kokotuka Dio obononaja arakate dibia tatuma Dio aribu eku nomewitu abanaja. Tiarone Dio ka yawakayame oko kokotuka ka nona isia emikuna Diablo imasibutu arakate ka nona isia emikuna oko Dio akobieno sabasabaya ja waraotuma akobieno sabasabanaja. Emusabataja 12:10; 2 Pedro 3:9 teribu.
5. Katukane oko Dio sabasabaya jakuna?
Ka nona isia oko emite obonoyakore o obononajakore Dio ka airamo tamejerei.
Awajiabara, religión nome ka inaminayakutai Dio akarata ekumo oko naminakitane ja, rakate eku abakitane ja (Juan 4:23). Jesú waraotuma akobieno sabasabanaja tanae, daría tane eku abanaja tanae, oko Jesú anona sitakore Satanás akobieno diboto jate. Juan 17:14 teribu.
Satanás jobaji airamo jame waraotuma imasibuya, tatuma asirajakutai nonamejerei. Tamaja nona diboto takore ka musabamo, ka oriwarao ka ekotubukuna ka isanakuna (1 Pedro 4:3, 4). Tamitane kuayabakore warao Jeoba obonoyakutai awere jaki arakate Dio akajotabu nokoki. Tane takore emite Satanás imasibuae dibukore warao sanamatayakore Dio aribu eku abanaja. 1 Corinto 6:9, 10; 15:33 teribu.
Dio ka obonoyame oko nomewitu naminaya asiraja sanamata tane ekorate. Dio aribu eku abaya kutai jobaji eku are jate. Juan 3:16 teribu.
