LECCIÓN 3
Nomera deje yakeraja Dio akarata eku jakutai Dio isimo?
1. Sina obonobu Dio akarata eku jakutai?
Obonobu Dio akarata eku jakutai Jeoba abitu. Dio akarata deje yakeraja dibia oko jobaji arai are jate (Mateo 5:5). Dio niboratuma yakeraja 40 nisanae Dio akarata jabatakitane. Dio akarata eku karatatuma aukamo 66 ja. Moisés karatatuma mojabasi awajiabara jabatae joira 3.500 kuayabane. Apóstol Juan karata ayaju jabatae joira 1.900 kuayabane. Obonobu Dio akarata eku jakutai Dio isimo. Jeoba akarata ajabatamo isiko dewarae amejokojira isia (2 Samuel 23:2). Tamaja niboratuma Dio aobonobu jabataubuae, tatuma oriaobonobu jabatanatanae. 2 Timoteo 3:16; 2 Pedro 1:20, 21 teribu.
2. Katukeme oko nome abakuna Dio akarata dibiakutai?
Dio akarata Dio isimo tiji. Oko tamaja nome abaya. Kwayabate jakutai Dio kaikawitu dibia, warao tamaja nonakomoni (Josué 23:14). Diowitu tai nonaya, tai taerawitu jame. Tito 1:2,3 teribu.
Tamaja karata ukabaka Dio isimo, tiame tamaja karata ukabaka yakerajawitu. Dio akarata erajawitu warao eraja moabuae, tamaja karata jonoribu eraja isia jabatae. Tamaja karata ukabaka nobowitu jarone, yawatanuka jobaji ekumo warao naminayakutai, ateje atukamo Dio akarata dibia. Niboratuma 40 Dio akarata jabataerone oridiboto dibunaja. * Dio akarata ka emia Dio ka obonoyawitu, dakate tamaja karata ukabaka warao sanetaya obojona daisa jakitane. Tiame, warao eraja nome abaya tamaja karata tai Dio aribu. 1 Tesalónica 2:13 teribu.
3. Sina Dio akarata dibia?
Dio akarata dibia deje yakeraja isia. Tamaja karata dibia Dio oboneakutai waraotuma saba. Dio akarata dibia katukane awajiabara Adán Eva tane Jobaji yakeraja arai are jakitane dijaubuae. Arakate dibia katukane oko jobaji yakeraja arai jate. Emusabataja 21:4, 5.
Dio akarata kajotabutuma deirituma tane ja ka sanetaya oriwakakitane. Dakate dibia sina Dio nonaya warao asira nonakore arakate sina Dio nonaya warao yakera nonakore, tamaja dibu teribukore oko naminakuna Dio aobonobu isia. Tiame, Dio akarata Dio isia naminakitane ka sanetaya. Arakate, Dio akarata ka inaminaya katukane oko Dio araisa takuna. Roma 15:4; Santiago 2:23; 4:8 teribu.
4. Sina ka sanetakuna Dio akarata isia naminakitane?
Jesú Dio akarata isia warao daisa inaminakore versiculotuma teribuae jabataja aribu nokomejerei. Tamaja karata basa tuatane nonaya, ka sanetakitane Dio aribu nokomejerei. Lucas 24:27, 45 teribu.
Deje yakeraja isia Dio isimo yakerajawitu. Tiarone, warao damana nokokitane obononaja, daisa orisibuya. Tamaja kwayabakore aruanera tanaka jau. Dio akarata dibia warao Dio aribu naminakore jobaji arai are jakuna. Juan 17:3 teribu.
^ par. 3 Karata basa Un libro para todo el mundo español aribu isia mi.
