LECCIÓN 6
Sina Dio akarata dibia kutai warao wabaja isia?
1. Sina Dio akarata dibia kutai warao wabaja isia?
Ya jisaka eku Jesú jobaji arai jakore araisa Lázaro wabae. Lázaro janokoina Betania eku ubae Jerusalén awere. Jesú nabakakore Lázaro wabaja yaja orabakaya kuayabanae dijana. Waba arakoituma awai Marta María tane, Jesú tatuma isiko joitanoko ata naruae arakate dubujiratane waraosebe naruae. Takore Jesú Lázaro ikaramanae, Marta María tane katukane nonae araka mikore? Tatuma oriwakaubuae!. Juan 11:21-23, 38-44 teribu.
Marta dibu yakeraja waba isia naminae dijana. Jeoba warao wabaja jakutai atae ikaramate jobaji arai jakitane tai naminae. Juan 11:24 teribu.
2. Oko wabakore katukaja ka kuayabaya?
Dio Adan saba dibunae: “Iji joboto ajuju tiame tata jase bajete” (AWAJIABARA 3:19)
Waraotuma “atejo joboto isimo” (1 Corinto 15:47). Ka tejo eku mejokoji ekira. Ka tejo toma muju tane, oko wabakore ka ekumo mejokoji ejobonaja tiame warao wabakore tai are ubanaja. Oko wabakore ka obojona dijaya waba obonobukomoni sanamatakomoni. Taisi kuare Lazaro wabakore dibu ekira tanae waba obonobu ekira jame. Eclesiastés 9:5, 6, 10 teribu.
Damanamo dibia Dio jekununoko eku ka toaya are sanamatakitane, tiarone tai nomeana. Dio akarata dibia monuka oko wabakore obojona ekira. Takore inamina jekununoko isia nomeana. Tamaja inamina kuare warao eraja obonobia Dio asiraja. Tiarone Jeoba ka obonoyawitu, tai are ka isanamatanatate. 1 Juan 4:8 teribu.
3. Oko wabatuma isiko dewarakuna?
Waba jakutai dibukomoni nokokomoni (Salmo 115:17). Tiarone mejokojituma damana asirajawitu waraotuma isiko dewarakuna, tatuma warao waba namonia waraotuma imasibukitane (2 Pedro 2:4). Tiame oko waba isiko dewarakitane obonoyakore Jeoba saba asirawitu, Dio akarata dibia “yatu kawanamo ekira jakitane ja [...] waba isiko dewarayaja” (Deuteronomio 18:10, 11).
4. Sinatuma atae karamate?
Jobaji arai warao erajawitu wabaja jakutai atae karamate. Warao asira nonajakutai Dio isia naminanatanae jame atae karamate. Anona 24:15 teribu.
Karamate jakutai Dio isia nome naminate takuna, Jesú isia nome abakitane jate, arakate tatuma Dio aribu nokoya emikitane jate (Emusabataja 20:11-13). Tuatane nonakore jobaji arai yakera are ubate. Juan 5:28, 29 teribu.
5. Jeoba warao wabajakutai ikaramakore tamaja sina Jeoba isia ka inaminaya?
Jeoba ka obonoyawitu tai obojona yakera taisi kuare warao wabajakutai ikaramate. Ama oko ka warao wabajakutai yawakaya, yakeratayaja Dio tai auka inatabae ka kuare wabakitane. Jeoba waraotuma wabajakutai ikaramakore. Iji sinama mikitane obonoya?. Juan 3:16; Roma 6:23 teribu.
