LECCIÓN 7
Dio a Reino sina tai?
1. Dio a Reino sina tai?
Katukeme oko dibakuna Jesú airamo yakerajawitu? (MARCOS 1:40-42)
Dio a Reino jakutai tai najamutuata bajia. Tamaja Reino waraotuma a kobieno kokotuka ekorate. Arakate tai Reino jobaji arai najamutuata tane Dio aobojona eku abate. Dio a Reino waraotuma saba yakerajawitu, waraotuma kokotuka orijika jate. Tamaja dibu yakerawitu!. Lucas 1:33; 4:43; 11:2 teribu
Kobieno kokotuka eku airamo tane ja. Monukajese Jeoba Jesú Dio a kobieno airamo tane abanae. Emusabataja 11:15 teribu.
2. Katukeme Jesú airamo yakerajawitu airamotuma kokotuka kuarika?
Jesú Dio auka yakerajame tai airamo yakerawitu, tai are nome jakutai nonaya (Mateo 11:28-30). Jesú taerawitu tiji waraotuma sanetate najamutu atamo jobaji airamo jakore. Dio Jesú ikaramakore najamutu ata yaburuae. Tata jakore Dio amojonome tajasaba dujunae wakakitane airamo tane nakamejerei (Ebereo 10:12, 13). Taitane Dio Jesú airamo tane abanae. Lucas 1:32, 33 teribu.
3. Waraotuma daisa Jesú isiko airamo jatera?
Dio waraotuma damanamo jobaji atamo nisanae najamutu ata Jesú isiko airamo jamejerei (Emusabataja 5:10). Jesú jobaji ata jakore anebu erajayana nisanae tatuma inatabatuma (apóstoles). Dio tamatuma awajiabara nisanae najamutu ata jamejerei. Jeoba ebe atamo niboratuma tiratuma nome abayakutai nisayaja ja najamutu ata jamejerei, ama arakate toatane nonaya ja. Tatuma Jesú monukajese nominia najamutuata mejokoji monuka. Juan 14:1-3; 1 Corinto 15:42-44 teribu.
Katamona waraotuma najamutuata narubute? Dio akarata dibia warao erajayana najamutu ata narubute. Jesú tatuma isia dibunae “maobeja asebe sanuka” (Lucas 12:32). Waraotuma 144.000 Jesú isiko najamutuatamo jobaji arao airamotuma jate. Emusabataja 14:1 teribu.
4. Jesú airamo tane nakakore katukane tanae?
Joira 1914 * eku, Jesú airamo tane nakae. Tai airamo takore awajiabara Satanás jebutuma tane najamutu atamo daina yata webotonae. Webotakore Satanás orisirajawitu tanae. Tiame daina kokotukanea sanamata eraja abanae (Emusabataja 12:7-10, 12). Tatukamo, daina arao kokotuka sanamataya ja. Orikubatuma, inarikotuma, nobaratuma, nojeratuma tane Dio aribu eku abaya, tamaja emia Dio a Reino ya jisaka eku utirajawituana ka daina iakaratate. Lucas 21:7, 10, 11, 31 teribu.
5. Amawitu Dio a Reino sina nonaya ja, arakate sina nonate?
Ama jobaji kokotukanea Reino isia dewarayaja ja tuatane Dio a Reino jobaji kokotukanea “waraosebeira” orikuare abaya ja. Warao erajawitu yakera jakutai Jesú anebu ejoboya. Dio a Reino warao asiraja ekorakore Jesú anebu jakutai bajukate. Oko obonoyakore Dio a Reino kasanetamejerei Jesú aribu ekia abakitane ja. Emusabataja 7:9, 14, 16, 17 teribu.
Joira 1000 ekia Jeoba obonoya kutai awajiabara atukamo Dio a Reino nonate. Tamaja jobaji yakera jate. Taitane, Jesú a Rima amojeku Reino abate (1 Corinto 15:24-26). Tamaja Reino isia iji dewarakitane obonoya?. 2 Pedro 3:13 teribu.
^ par. 6 Profecías Dio akarata ekumo joira 1914 isia kuana naminakitane, páginas 215 atamo 218 tatuka karata ¿Qué enseña realmente la Biblia? eku mi.
