Nomeraja tamaja inaminatuma awajiabara Dio akarata ekumo ji sanetae Jeoba kuana obonokitane. Tiame Dio kuana obonokitane najobukitane ja (1 Pedro 2:2). Iji Jeoba amuaraisa takitane Dio akarata isia naminakitane ja toatane nonakore are jakitane wakate. Juan 17:3; Judas 21 teribu.

Iji kuana Dio isia naminakore ji nome taera kuana abate, Dio aobojona eku ejobamejerei (Ebereo 11:1, 6). Ka nome taera jakore ka sanetaya ka obojona ibarekitane arakate nona yakeraja nonakitane. Anona 3:19 teribu.

Ka saba yakera deje yakeraja dewarakitane. Tiame Dio akarata isia naminaekutai daisama saba dewarakitane obonoya. Iji Dio akarata isia kuana naminakore Jeoba isia dewarakitane naminate arakate deje yakera waraotuma saba jakutai isia dewarakitane naminate. Roma 10:13-15 teribu.

Iji deje yakera dewarakuna ji oriwarao amuaraisa tane saba. Tiarone daoberaja yatomanete jau. Dio nonatekutai isia dewarau. Tatuma isia dibunaka tanu yatu nome abayakutai nomeana. Waraotuma ka ribu emonikuna tiarone tatuma ka nona are musabera tate. 2 Timoteo 2:24, 25 teribu.

Iji Dio akarata isia naminakore ji sanetate Dio akarata dibuyakutai eku abakitane arakate kuana Jeoba amuaraisa takitane. Iji Dio awaraotuma ekumo oriwarao jisaka monuka tate. 2 Corinto 6:18 teribu.

Dio akarata isia kuana naminau (Ebereo 5:13, 14). Jeoba arewaratu jisaka isia dibanu ji inaminakunarai karata ukabaka ¿Qué enseña realmente la Biblia? isia. Iji kuarika naminakore, kuana oriwakate. 1 Timoteo 4:15,16; Roma 12:2 teribu.

Deje yakera Dio akarata eku jakutai Jeoba isimo naoya musaberau, tai Dio yakerawitu. Arakate iji tai amuaraisa takuna anebutuma nomeraja isiko orikuare nakakore (Ebereo 10:24, 25). Iji Jeoba obonoyakutai kuana nonakore are yakerajawitu jate: Jobaji arai are jate. Tiame iji Dio amuaraisa takore ji saba yakerawitu jate. Tito 1:2 teribu.