LECCIÓN 2
Sina tai Dio?
1. Katukeme oko Dio yatomanetekitane ja?
Dio kokotuka anonatu tiji. Tai are ja, tai are wabanatate (1 Timoteo 1:17). Deje yakeraja Dio akarata ekumo Dio isimo (1 Timoteo 1:11). Tai ka nonae tiame oko tai dibia kutai nonakitane ja dakate oko tai yatomanetekitane ja. Emusabataja 4:11 teribu.
2. Sina Dio isia Dio akarata dibuya?
Warao jisakarakate Dio minaja mejokoji tiji, tai ka kuarika oko toma muju tane jame (Juan 1:18; 4:24). Oko Dio nonaja kutai mikore tai isia naminakuna. Ejemplo, oko namuna akuaja tokoyo tane eraja mikore tai nonae kutai ka emia tai ka obonoya tai obojona dubujira. Universo kokotuka ka emia Dio taerawitu. Roma 1:20 teribu.
Dakate oko Dio isia naminakuna Dio akarata teribukore. Dio akarata ka inaminaya katukane Dio warao abaya, sina tai saba yakera, sina tai saba asira arakate ka inaminaya warao yakera jakutai nonakore sina Dio nonaya dakate warao asira jakutai nonakore sina Dio nonaya. 1 Juan 4:8; Santiago 4:6 teribu.
3. Dio awai ja?
Jesú dibunae: “Karima, najamutu ata jakutai, ji wai yatomanetekunarai” (Mateo 6:9). Dio títulos eraja jarone, tai awai ja. Jonoribu eraja eku Dio awai deisa deisa dibia. Warao aribu isia “Jeoba” dibia. Jotarao aribu isia “Jehová” dibia, tiarone warao damana “Yavé” dibia. Salmo 83:18 teribu (82:19 Dio akarata daisama eku).
Dio akarata eraja eku títulos isia Dio awai abanae, Dio Airamo tane abanae. Tiarone, ateje atukamo Dio akarata eku Dio awai 7.000 tane ejobonae. Jesú Dio isia inaminakore, tai Dio awai dibunae. Juan 17:26, (Guanaguanautu, GN) teribu.
4. Dio ka obonoya?
Like this loving father, God is acting for our long-term good
Jeoba ka obonoyarone, katukeme tai iabaya oko sanamatamejerei? Damana obonobia Dio ka isanaya ka ayakara mikitane. Tiarone, tai nomeana. Santiago 1:13 teribu.
Jeoba iabaya warao oboneakutai nonamejerei. Tiarone ka saba yakerakuna Dio oboneakutai nonakore (Roma 12:2). Jeoba iabayarone warao oboneakutai nonamejerei, warao eraja asiraja nonaya, tiame sanamata eraja. Tiarone, Jeoba ka sanamata mikore tai akobe ajera. 1 Pedro 5:7 teribu.
Jeoba ka obonoya tiame tai obonea oko yakera jamejerei, ya jisaka eku utirajawituana o jakewitu tai ka sanamata ekorate. Dio naminaya katukeme iabaya oko sanamatamejerei. Lección 8 eku dibia katukeme Dio iabaya oko sanamatamejerei. 2 Pedro 2:9; 3:7, 13 teribu.
5. Katukane oko Dio amuaraisa jakuna?
Jeoba obonea oko tai amuaraisa jamejerei tai isiko kuai dibakore. Tai ka obonoyawitu (1 Juan 5:14). Dakate tai ka aobojona asiraja emo abaya, tai naminaya oko nonayakutai tai aribu eku abamejerei. Oko monikatamo jarone, Dio araisa jakuna. 1 Juan 1:9; Santiago 4:8 teribu.
Dio ka nonae tiame oko tai obonokitane ja (Marcos 12:30). Oko Dio obonoyakutai emia tai isia naminakore dakate akajotabutuma eku abakore. Tamaja nonakore, kuana tai araisa tate. 1 Timoteo 2:4; 1 Juan 5:3 teribu.
